Isa Isaias, kapitulo Ang Libro ni Isaias, kapitulo 11
Ang Malinawong Gingharian
Ang mga kaliwat ni David11:1 David: sa Hebreo, Jesse, nga mao ang amahan ni David. nahisama sa kahoy nga gipukan.
Apan maingon nga manalingsing ang tuod sa kahoy nga gipukan,
moabot usab ang usa ka bag-ong hari gikan sa kaliwat ni David.Luk 3:32; Act 13:22; Rom 15:12
Ang Espiritu sa Ginoo magagahom kaniya nga
maghatag kaniyag kaalam, pagsabot, abilidad sa pagplano,
gahom, kahibalo, ug pagtahod sa Ginoo.Isa 61:1
Ug kalipay niya ang pagtahod sa Ginoo.
Dili siya mohukom pinasikad lang
sa iyang makita o madungog.Isa 2:4
Hatagan niya
ug makatarunganong paghukom ang mga kabos
ug hatagan niyag kaangayan ang mga biktima sa pagpahimulos.
Sa iyang pagdumala,
silotan niya ang kalibotan
ug mangamatay ang mga tawong daotan.Job 4:9; 2Th 2:8
Anaa kanunay kaniya ang pagkamatarong
ug pagkamasaligan
sama sa bakos nga mohugot sa hawak sa tawo.Psa 45:4
Nianang adlawa,
magpuyo ang bangis nga iro11:6 bangis nga iro: o lobo. uban sa nating karnero.
Mohigda ang leopardo uban sa nating kanding.
Mag-uban ug kaon ang nati sa baka ug ang anak sa liyon,
ug usa ka gamayng bata ang moatiman kanila.Isa 65:25
Mag-uban ug kaon ang baka ug ang oso,
ug ang ilang mga anak mag-uban sa pagpanghigda.
Ang liyon mokaon ug dagami sama sa baka.
Bisan pag magdula ang batang masuso
duol sa bangag nga gipuy-an sa bitin nga malala,
ug isulod sa gamayng bata ang iyang kamot sa bangag sa bitin,
dili sila maunsa.1Co 3:1; Psa 58:4
Wala nay magpasakit o mangdaot sa Zion,
sa akong balaan nga bukid.
Kay ang mga tawo sa kalibotan mapuno
sa kahibalo mahitungod sa Ginoo,
maingon nga ang dagat napuno sa tubig.Amo 5:24
Nianang adlawa ang bag-ong hari nga kaliwat ni David11:10 David: tan-awa usab ang bersikulo 1. mahisama sa usa ka bandera nga ilhanan ngadto sa mga nasod. Magtigom ang mga nasod ngadto kaniya ug mabantog ang iyang gipuy-an. Rom 15:12Nianang adlawa, gamiton pag-usab sa Ginoo ang iyang gahom sa pagpabalik sa mga nahibilin niyang mga katawhan nga atua gikan sa Asiria, Ehipto, Patros, Etiopia,11:11 Etiopia: sa Hebreo, Cush. Elam, Babilonia, Hamat, ug sa mga isla.
Ibayaw sa Ginoo ang usa ka bandera sa pagpakita sa mga nasod
nga ginatigom na niya ang katawhan sa Israel
ug Juda gikan sa nagkalain-laing bahin sa kalibotan.Mat 15:24; Luk 21:28; Jhn 10:16
Mawala na ang kasina sa Israel ngadto sa Juda
ug ang kapungot sa Juda ngadto sa Israel.Hos 1:11
Maghiusa sila sa pagsulong
sa mga Filistihanon sa kasadpan.
Sulongon usab nila ang mga nasod sa sidlakan
ug kuhaon ang mga kabtangan niini.
Sakopon nila ang Edom ug Moab,
ug ang mga Amonihanon mailalom sa ilang gahom.Deu 32:43; Isa 60:7; Zec 8:13
Pahubsan sa Ginoo ang Dagat sa Ehipto,
ug padad-an niyag init nga hangin ang Suba sa Eufrates
aron mabahin ngadto sa pito ka sapa-sapa
nga mahimo nang tabokon sa tawo pinaagi sa pagbaklay.
Maingon nga adunay lapad
nga dalan nga giagian ang katawhan
sa Israel sa dihang mibiya sila gikan sa Ehipto,
aduna usab lapad unya nga dalan alang
sa mga nabilin niyang mga katawhan didto sa Asiria.Exo 14:29