Psa Mga Salmo, salmo Ang Libro sa Mga Salmo, salmo 140
Ang awit alang sa maestro sa mga mag-aawit. Awit ni David.
Ginoo, luwasa ako ug tipigi gikan sa daotan
ug mapintas nga mga tawo.
Nagplano sila ug daotan
ug kanunay lang silang nagsugod ug kasamok.
Ang ilang mga dila sama sa malala nga bitin
ug ang ilang mga pulong sama sa lala sa bitin.Psa 5:9; Psa 58:4; Rom 3:13
Panalipdi ako, Ginoo, gikan sa kamot sa daotan
ug mapintas nga mga tawo,
nga nagplano sa paglaglag kanako.2Sa 22:3
Nagbutang ang mga tawong garboso ug lit-ag alang kanako;
nagbukhad silag mga pukot sa akong agianan
aron malit-ag nila ako.Psa 64:5; Psa 142:4; Jer 18:22
Ginoo, ikaw ang akong Dios.
Pamatia, Ginoo, ang akong pagpakiluoy kanimo.
Ginoong Dios, ikaw ang akong gamhanang manluluwas;
gipanalipdan mo ako sa panahon sa gira.
Ginoo, ayaw ihatag sa mga tawong daotan ang ilang gitinguha.
Ayaw palamposa ang ilang mga plano,
kay tingalig magpasigarbo sila.Deu 32:27
Hinaut pa nga ang daotang mga plano
sa akong mga kaaway nga naglibot kanako
mosumbalik ngadto kanila.Psa 7:14
Mahulogan unta sila ug nagdilaab nga mga baga,
ug ihulog unta sa mga bangag ug dili na makalingkawas pa.Psa 11:6
Hinaut nga dili magmauswagon dinhi sa yuta
ang mga tawong kusog mamutang-butang sa uban.
Hinaut pa nga modangat ang dakong katalagman
ngadto sa mga tawong bangis, aron mapukan sila.
Ginoo, nahibalo ako nga gipanalipdan mo ang katungod sa mga kabos;
gihatagan mo ug hustisya ang mga timawa.Psa 9:18
Sigurado gayod nga dayegon ikaw sa mga matarong
ug magkinabuhi sila uban kanimo.