Rom Mga Taga-Roma, kapitulo Ang Sulat ni Pablo sa Mga Taga-Roma, kapitulo 1
Ang Kapungot sa Dios batok sa Pagkadaotan sa mga Tawo
Tinuod nga dili nato makita ang Dios, apan sukad pa sa pagmugna sa kalibotan, ang iyang walay kataposan nga gahom ug pagka-Dios gipadayag na pinaagi sa mga butang nga iyang gibuhat. Busa wala silay ikabalibad kaniya.Psa 19:1
Bisan nasayran nila nga adunay Dios, wala sila magpasidungog ug magpasalamat kaniya. Hinuon, nahimong walay kapuslanan ang ilang mga panghuna-huna. Nangitngitan ang ilang mga salabotan. Deu 28:29; Job 5:14; Isa 59:10; Eph 4:18