Габр Габрэям, раздзел Пасланне да Габрэяў, раздзел 3

Таму, браты сьвятыя, супольнікі нябеснага пакліканьня, уразумейце Пасланца і Першасьвятара вызнаньня нашага, Ісуса Хрыста,Габр 2:11

Які верны Таму, Хто паставіў Яго, як і Майсей ва ўсім доме Ягоным.Лік 12:7; Габр 2:17

Ён бо варты тым большае славы перад Майсеем, чым большы гонар мае ў параўнаньні з домам той, хто ўладкаваў яго;Аг 2:9; Зах 6:13

бо кожны дом ладкуецца некім; а Хто ўладкаваў усё, ёсьць Бог.

І Майсей верны ўва ўсім доме Ягоным, як службіт, на сьведчаньне таго, што трэба было абвясьціць.

А Хрыстос - як Сын у доме Ягоным; а дом Ягоны - мы, калі толькі адвагу і спадзяваньне, якімі хвалімся, цьвёрда захаваем да канца.Пс 2:7; 1Кар 3:16; Эф 5:23; Кал 1:23; 1Цім 3:15

Чаму, як кажа Дух Сьвяты, «сёньня, як пачуеце голас Ягоны,

не зжарсьцьвеце сэрцаў вашых, як у час смуты, у дзень спакушэньня ў пустыні,Вых 17:2; Пс 77:19

дзе спакушалі мяне бацькі вашы, выпрабоўвалі Мяне і бачылі дзеі Мае сорак гадоў.

Таму Я і ўгневаўся на той род, і сказаў: «няспынна блукаюць сэрцам, ня зьведалі яны пуцявінаў Маіх;

таму я прысягнуў у гневе Маім, што яны ня ўвойдуць у спачын Мой».Пс 94:7; Лік 14:23; Габр 4:11

Глядзеце, браты, каб ня было ў кім у вас сэрца ліхога і нявернага, каб вам не адступіцца ад Бога жывога.

А настаўляйце адно аднаго кожны дзень, пакуль можна казаць «сёньня», каб хто з вас не зжарсьцьвеў, зьвёўшыся грэхам;1Фес 5:11

Бо мы зрабіліся супольнікамі Хрысту, калі толькі пачатае жыцьцё цьвёрда ўтрымаем да канца,2Пётр 1:4; Рым 8:17; Эф 5:30

пакуль гаворыцца: «сёньня, як пачуеце голас Ягоны, не зжарсьцьвеце сэрцаў вашых, як у час смуты».Габр 4:7

Бо некаторыя, што чулі, пачалі абурацца; але ня ўсе, што выйшлі зь Егіпта з Майсеем.Лік 14:4; Лік 14:22

На каго ж гневаўся Ён сорак гадоў? Хіба не на тых, што зграшылі, чые косьці засталіся ў пустыні?

Супроць каго прысягаў, што ня ўвойдуць у спачын Ягоны, калі ня супроць непакорлівых?

І вось, бачым, што яны не маглі ўвайсьці за няверства.