Пс Псалтыр, псалом Псалтыр, псалом 21
Кіроўцу хору. На золку. Псальма Давідава.
Божа мой! Божа мой! нашто Ты пакінуў мяне? Далёкія словы крыку майго ад ратунку майго.Мц 27:46; Мк 15:34
Божа мой! я клічу ўдзень - і Ты не аказваешся, уначы - і няма мне супакаеньня.
Але Ты, Сьвяты, жывеш сярод пахвалаў Ізраіля.
На Цябе спадзяваліся нашы бацькі; спадзяваліся, і Ты вызваляў іх,Пс 106:6
да Цябе заклікалі яны, і былі ратаваныя; на Цябе спадзяваліся, і ня былі пасаромленыя.Пс 24:2
А я чарвяк, а не чалавек, зьнявага ў людзей і пагарда ў народзе.
Усе, хто бачыць мяне, клянуць мяне; кажуць вуснамі, галавою ківаюць:Мц 27:39
«ён спадзяваўся на Госпада; хай вызваліць яго, хай уратуе, калі ён даспадобы Яму».Мц 27:43
Але Ты вывеў мяне з улоньня матчынага; уклаў у мяне надзею каля грудзей маці маёй.Пс 70:6
Табе я даручаны ад нараджэньня; ад улоньня маці маёй Ты - мой Бог.
Не адыходзь ад мяне, бо блізіцца скруха, а памочніка няма.
Многа цялят абступілі мяне, тлустыя Васанскія акружылі мяне;Ам 4:1; Мц 27:20
разьзявілі пашчу сваю на мяне, як леў, які прагне здабычы і рыкае.
Я разьліўся, нібы вада; усе косткі мае рассыпаліся; сэрца маё, быццам воск, зрабілася, растала ў нутрыне маёй.
Моц мая высахла, як чарапок; язык мой прыліп да гартані маёй, і Ты зьвёў мяне ў пыл сьмяротны.Ян 19:28
Бо сабакі мяне атачылі, хэўра злыдняў мяне абступіла, прабілі рукі мае і ногі мае;Мц 27:27
можна было палічыць усе косткі мае, а яны дзівяцца, робяць зь мяне відовішча,Лк 23:35
дзеляць рызы мае між сабою; і за адзежу маю кідаюць жэрабя.Мц 27:35; Мк 15:24; Лк 23:34; Ян 19:24
Але Ты, Госпадзе, не адыходзь ад мяне; сіла мая! пасьпяшайся мне на дапамогу;
душу маю аслані ад меча і ад сабак самотную маю;
уратуй мяне ад ільвінае пашчы і ад рагоў аднарогаў, пачуўшы, выратуй мяне.
Буду абвяшчаць імя Тваё братам маім, славіць буду Цябе на сходзе.Ян 20:17; Габр 2:12
Вы, што баіцеся Госпада! Усхвалеце Яго. Увесь род Якаваў! праславі Яго. Хай баіцца Яго ўвесь род Ізраілеў!
Бо Ён не пагрэбаваў скрухаю спрагненага і не адцураўся яе, і ня ўхіліў ад яго аблічча Свайго, а пачуў яго, калі той паклікаў Яго.Габр 5:7
Табе хвала мая на сходзе вялікім; спраўджу свае абяцаньні перад тымі, хто баіцца Яго.Пс 34:18
Хай ядуць бедныя і насычаюцца; хай уславяць Госпада тыя, што шукаюць Яго; хай жывуць сэрцы вашыя векапомна!Песн 5:1; Іс 65:13; Лк 1:53
Схамянуцца і да Госпада вернуцца ўсе канцы зямлі, і схіляцца прад Табою ўсе плямёны язычнікаў,Пс 2:8; Іс 60:14
бо Гасподняе ёсьць царства, і Ён - Уладар над народамі.Дан 7:27; Мц 6:10
Будуць есьці і пакланяцца ўсе сытыя на зямлі; схіляцца прад Ім усе, што сыходзяць у тло і ня могуць захаваць жыцьця свайго.Іс 25:6; Іс 49:23
І нашчадкі служыцьмуць Яму, і будуць звацца Гасподнімі вечна,Іс 53:10
прыйдуць і абвяшчацьмуць праўду Ягоную людзям, якія народзяцца, якіх стварыў Гасподзь.