Пс Псалтыр, псалом Псалтыр, псалом 62

Псальма Давідава, калі ён быў у пустыні Юдэйскай.1Цар 23:14

Божа! Ты Бог мой, Цябе я шукаю ад золку; Цябе прагне душа мая, па Табе маё цела тужыць у зямлі пустой, высахлай і бязводнай,Іс 26:9; Пс 41:3

каб бачыць сілу Тваю і славу Тваю, як бачыў Цябе ў сьвятыні:Пс 22:6; Пс 26:4

бо ласка Твая лепшая за жыцьцё. Уславяць вусны мае Цябе.

Так дабраслаўлю Цябе ў жыцьці маім; у імя Тваё рукі мае падыму.

Як лоем і алеем душа мая насычаецца, і радасным голасам вусны мае Цябе славяць,

калі ўспамінаю Цябе я на ложку маім, думаю пра Цябе ў часіну начную,Пс 34:28

бо Ты дапамога мая, і ў цяні крылаў Тваіх я парадуюся;Пс 16:8

Душа мая да Цябе прыляпілася; правіца Твая трымае мяне.Іс 41:10

А тыя, што шукаюць пагібелі душы маёй, сыдуць у апраметную зямлі;Лік 16:32

паб'юць іх сілаю меча; стануць здабычаю лісаў;

а цар усьцешыцца ў Богу, будзе ўслаўлены кожны, хто Яму прысягае, бо замкнуцца вусны ў тых, што гавораць няпраўду.Дрз 6:13; Іс 19:18; Ер 4:2