Пс Псалтыр, псалом Псалтыр, псалом 88
Вучэньне Этана Эзрахіта.1Пар 15:17
Пра ласкі Твае, Госпадзе, буду сьпяваць вечна, з роду ў род абвяшчаць праўду Тваю вуснамі маімі,Пс 91:3
бо кажу: будзе навек пакладзена ласка, на нябёсах уцьвердзіў Ты праўду Тваю, калі сказаў:
«Я склаў запавет з выбранцам Маім, прысягаўся Давіду, рабу Майму:2Цар 7:12; Пс 131:11
навечна ўгрунтую семя тваё, і твой род уладжу навечна».
І праславяць нябёсы дзівосныя дзеі Твае, Госпадзе, і праўду Тваю ў саборы сьвятых,
бо хто на нябёсах дараўнаецца з Богам? хто паміж сынамі Божымі спадобніцца Госпаду?Пс 85:8
Грозны Бог у вялікім гурце сьвятых, грозны Ён усім, хто Яго атачае.
Госпадзе, Божа сіл! хто моцны, як Ты, Госпадзе? І праўда Твая навокал Цябе.Пс 76:14; Адкр 19:15
Ты валадарыш над лютасьцю мора; калі ўздымаюцца хвалі яго, Ты іх таймуеш.Пс 106:29; Мц 8:26
Ты скінуў Раава, як пабітага; моцнаю мышцай Тваёю расьсеяў ворагаў Тваіх.
Твае - нябёсы і Твая - зямля; сусьвет, і што напаўняе яго, Ты заснаваў.Быц 1:1
Поўнач і поўдзень Ты стварыў; Фавор і Ярмон зь імя Твайго радуюцца.
Моцная мышца Твая, дужая рука, высокая правіца Твая!
Правасудзьдзе й істасьць - аснова трона Твайго; любасьць і праўда прад абліччам Тваім ходзяць.Пс 92:2
Дабрашчасны народ, які ведае трубны кліч! Яны ходзяць у сьвятле аблічча Твайго, Госпадзе;
а зь імя Твайго радуюцца кожны дзень, і праўдаю Тваёю хваляцца,
бо Ты акраса сілы іхняе, і добраю воляй Тваёю ўзвышаецца рог наш.Лк 1:69
Ад Госпада - шчыт наш, і ад Сьвятога Ізраілевага цар наш.Пс 3:4; Пс 83:10
Калісьці казаў Ты ва ўяве сьвятому Твайму і сказаў: «Я дапамог мужнаму, узьнёс абранца з народу.
Я здабыў Давіда, раба Майго, сьвятым алеем Маім памазаў яго.1Цар 16:13; Дзеі 13:22
Рука Мая будзе зь ім, і мышца Мая ўмацуе яго.Іс 41:10
Вораг не пераможа яго, і сын беззаконьня ня ўцісьне яго.2Цар 7:10
Скрышу перад ім ворагаў ягоных, і паб'ю ненавісьнікаў ягоных,
і праўда Мая і ласка Мая зь ім, і Маім імем узвысіцца рог ягоны,
і пакладу на мора руку ягоную, і на рэкі - правіцу ягонуюПс 71:8; Адкр 10:2
Ён будзе клікаць мяне: Ты Бацька мой, Бог мой і цьвярдыня ратунку майго.2Цар 7:14; Габр 1:5
І Я зраблю яго першынцам, вышэйшым за цароў зямных,Кал 1:18; Адкр 19:16
навек захаваю яму ласку Маю, і запавет Мой зь ім будзе правільны.
І прадоўжу навечна семя ягонае, і ягоны трон - як дні неба.Пс 71:5; 2Цар 7:13; Дан 2:44
Калі сыны ягоныя пакінуць закон Мой, і ня будуць хадзіць паводле наказаў Маіх;
калі парушаць пастановы Мае, і загадаў Маіх не захаваюць:
наведаю жазлом беззаконьне іхняе, і ўдарамі - няпраўду іхнюю;2Цар 7:14
а ласкі Маёй не пазбаўлю яго, і не зьмяню ісьціны Маёй.
Не парушу запавету Майго, і не памяняю таго, што выйшла з вуснаў Маіх,2Цар 7:16
Аднойчы прысягнуў сьвятасьцю Маёю: а ці зманю Давіду?
Семя ягонае будзе вечна, і трон ягоны, як сонца, прада Мною;2Цар 7:16; Пс 71:17; Лк 1:33; Ян 12:34
вечна будзе цьвёрды, як месяц, і сьведка праўдзівы на нябёсах».Адкр 1:5
Але Ты адкінуў і пагардзіў, угневаўся на памазанца Твайго;
занядбаў запавет з рабом Тваім, кінуў на зямлю вянок ягоны;Пс 43:10
разбурыў усе агароджы ягоныя, абярнуў у руіны крэпасьці ягоныя.Плач 2:6
Рабуюць яго ўсе, хто праходзіць дарогаю; пасьмешышчам стаўся ён суседзям сваім.Пс 30:12; Пс 43:14
Ты ўзвысіў правіцу супраціўцаў ягоных, парадаваў усіх ворагаў ягоных.
Ты павярнуў назад лязо меча ягонага, і не ўмацаваў яго ў бітве;
адабраў у яго бляск, і трон ягоны скінуў долу;
скараціў дні маладосьці ягонай, і пакрыў яго сорамам».
Дакуль, Госпадзе, будзеш хавацца няспынна, будзе палаць лютасьць Твая, як вагонь?Пс 12:2
Прыгадай, які век мой: на якую марноту стварыў Ты ўсіх сыноў чалавечых?
Хто зь людзей жыў - і ня бачыў сьмерці, выбавіў душу сваю ад рукі апраметнай?Пс 48:10
Дзе ранейшыя міласьці Твае, Госпадзе? Ты прысягаў Давіду ісьцінай Тваёю.2Цар 7:15
Прыгадай, Госпадзе, паганьбеньне рабоў Тваіх, якое нашу я ў нетрах маіх ад усіх моцных народаў,
як бэсьцяць ворагі Твае, Госпадзе, як няславяць сьляды памазанца Твайго.
Дабраславёны Гасподзь навечна! Амін, амін!