Выс Выслоўі, раздзел Кніга выслоўяў Саламонавых, раздзел 18
Сваволі шукае прымхлівы, паўстае супроць усяго разумнага.
Неразумны ня любіць думаць, а толькі паказаць бы свой розум.
З прыходам бязбожнага прыходзіць і пагарда, а з вартым пагарды - ганьба.
Слова з вуснаў чалавечых - глыбокія воды; крыніца мудрасьці - бруісты паток.Выс 20:5
Нядобра быць ласкавым зь бязбожным, каб абвергнуць праведнага ў судзе.Ляв 19:15; Дрз 1:17; Выс 24:23
Вусны бязглуздага цягнуць у незлагадзь, а словы яго выклікаюць бойку.
Язык бязглуздага - пагібель яму, а вусны яго - сетка на душу ягоную.Выс 10:14; Выс 12:13
Словы нагаворшчыка - як прысмакі, і яны гладка ўваходзяць у нутро чалавека.
Нядбалы ў працы сваёй - брат марнатраўцы.
Імя Госпада - моцная вежа: убягае ў яе праведнік, і ў бясьпецы.Пс 19:2; Выс 14:26
Маёмасьць багатага - як моцны горад ягоны, і высокім мурам здаецца яму.Выс 10:15
Перад падзеньнем узносіцца сэрца чалавека, а сьціпласьць ідзе наперадзе славы.Выс 16:18
Хто дае адказ, ня выслухаўшы, той неразумны і брыдка яму.
Дух чалавека пераносіць яго немачы; а прыгнечаны дух - хто можа ўмацаваць яго.
Сэрца разумнага набывае веды, і вуха мудрых шукае ведаў.
Дарунак дае чалавеку прастору і да вяльможаў давядзе яго.Выс 17:8; Мц 2:11
Першы ў цяжбіне сваёй мае рацыю, але прыходзіць супернік ягоны і паняверыць яе.
Жэрабя спыняе спрэчкі і вырашае паміж моцнымі.
Азлоблены брат няпрыступнейшы за моцны горад, і свары падобныя на замкі замка.
Ад плоду вуснаў чалавека напаўняецца чэрава ягонае; вытворамі вуснаў сваіх ён насычаецца.Выс 14:14; Іс 3:10
Сьмерць і жыцьцё - ва ўладзе языка, і хто любіць яго, скаштуе ад плоду яго.Выс 13:3; Як 3:8
Хто знайшоў жонку, той знайшоў дабро і атрымаў мілату ад Госпада.Выс 19:14
З мальбою гаворыць убогі, а багаты адказвае груба.
Хто хоча мець сяброў, той і сам павінен быць прыязны; і бывае сябар больш прыязны за брата.Выс 17:17