Ціт Ціту, раздзел Пасланне да Ціта, раздзел 2
А ты кажы тое, што сугалосна са здаровым вучэньнем:Ціт 1:9
каб старцы былі пільныя, спаважныя, цнатлівыя, здаровыя ў веры, у любові, у цярплівасьці;
каб старыцы таксама апраналіся, як прыстойна сьвятым, ня былі паклёпніцы, не аддаваліся п'янству, вучылі дабру,1Цім 2:9
каб настаўлялі на розум маладых кахаць мужоў, любіць дзяцей,
быць цнатлівымі, чыстымі, гаспадарлівымі ў доме, добрымі, пакорлівымі мужам, каб не зьневажалася слова Божае.Быц 3:16; Эф 5:22
Хлопцаў таксама ўмаўляй быць цнатлівымі.
Ва ўсім паказвай у сабе ўзор добрых учынкаў, у настаўніцтве чысьціню, разважлівасьць, непарушнасьць,1Пётр 5:3; 1Цім 4:12
слова здаровае, бездакорлівае, каб супрацівец быў пасаромлены, ня маючы нічога сказаць пра нас кепскага.1Пётр 2:12
Рабоў умаўляй скарацца сваім гаспадарам, дагаджаць ім ва ўсім, не супярэчыць,1Пётр 2:18; Эф 6:5; Кал 3:22
ня красьці, а выяўляць усю добрую вернасьць, каб мы ва ўсім былі акрасаю вучэньня Збаўцы нашага Бога.
Бо зьявілася мілата Божая, ратавальная ўсім людзям,Лк 1:47; Лк 2:30; Лк 3:6; Ціт 3:4
якая вучыць нас, каб мы, адкінуўшы бязбожнасьць і зямныя пахацінствы, цнатліва, праведна і пабожна жылі ў гэтым веку,1Ян 2:15; Эф 1:4
чакаючы дабрашчаснага спадзяваньня і прышэсьця славы вялікага Бога і Збаўцы нашага Ісуса Хрыста,Дзеі 24:25; 1Ян 3:2
Які аддаў Сябе за нас, каб выбавіць нас з усякай беззаконнасьці і ачысьціць Сабе народ адмысловы, шчыра адданы добрым учынкам.Вых 19:6; Гал 1:4; Эф 2:10; Габр 9:14
Гэта кажы, умаўляй і выкрывай з усёю ўладаю, каб ніхто не пагарджаў табою.