Mt Matthieu, chapitre Évangile selon Matthieu, chapitre 17

Autre écriture : церковнославянский

Traductions Comparer

И по днех шести́х, поя́т иису́с петра́ и иа́кова и иоа́нна бра́та его́, и возведе́ их на гору́ высоку́ еди́ны.Mc 9:2; Lc 9:28

И преобрази́ся пред ни́ми: и просвети́ся лице́ его́ я́ко со́лнце: ри́зы же его́ бы́ша белы́ я́ко свет.

И се яви́стася им моисе́й и илиа́, с ним глаго́люща.

Отвеща́в же петр рече́ (ко) иису́сови: го́споди, добро́ есть нам зде бы́ти: а́ще хо́щеши, сотвори́м зде три се́ни, тебе́ еди́ну, и моисе́ови еди́ну, и еди́ну илии́.

Еще́ (же) ему́ глаго́лющу, се о́блак све́тел осени́ их: и се глас из о́блака глаго́ля: сей есть сын мой возлю́бленный, о не́мже благоволи́х: того́ послу́шайте.Dt 18:15; Mt 3:17; Lc 3:22

И слы́шавше ученицы́, падо́ша ни́цы, и убоя́шася зело́.

И присту́пль иису́с, прикосну́ся их, и рече́: воста́ните, и не бо́йтеся.

Возве́дше же о́чи свои́, никого́же ви́деша, то́кмо иису́са еди́наго.

И сходя́щым им с горы́, запове́да им иису́с, глаго́ля: никому́же пове́дите виде́ния, до́ндеже сын челове́ческий из ме́ртвых воскре́снет.

И вопроси́ша его́ ученицы́ его́, глаго́люще: что у́бо кни́жницы глаго́лют, я́ко илии́ подоба́ет приити́ пре́жде?Mt 11:14; Mc 9:11

Иису́с же отвеща́в рече́ им: илиа́ у́бо прии́дет пре́жде, и устро́ит вся.

Глаго́лю же вам, я́ко илиа́ уже́ прии́де: и не позна́ша его́, но сотвори́ша о нем, ели́ка восхоте́ша. та́ко и сын челове́ческий и́мать пострада́ти от них.

Тогда́ разуме́ша ученицы́, я́ко о иоа́нне крести́тели рече́ им.

И прише́дшым им к наро́ду, приступи́ к нему́ челове́к, кла́няяся ему́,Mc 9:17; Lc 9:38

И глаго́ля: го́споди, поми́луй сы́на моего́, я́ко на но́вы ме́сяцы бесну́ется, и зле стра́ждет: мно́жицею бо па́дает во огнь, и мно́жицею в во́ду.

И приведо́х его́ ко ученико́м твои́м, и не возмого́ша его́ исцели́ти.

Отвеща́в же иису́с рече́: о ро́де неве́рный, и развраще́нный, доко́ле бу́ду с ва́ми? доко́ле терплю́ вас? приведи́те ми его́ се́мо.

И запрети́ ему́ иису́с: и изы́де из него́ бес, и исцеле́ о́трок от часа́ того́.

Тогда́ присту́пльше ученицы́ иису́сови еди́ному, ре́ша: почто́ мы не возмого́хом изгна́ти его́?

Иису́с же рече́ им: за неве́рствие ва́ше. ами́нь бо глаго́лю вам: а́ще и́мате ве́ру я́ко зе́рно гору́шно, рече́те горе́ сей, прейди́ отсю́ду та́мо, и пре́йдет: и ничто́же невозмо́жно бу́дет вам.Mt 21:21; Mc 9:23; Mc 11:23; Lc 17:6

Сей же род не исхо́дит, то́кмо моли́твою и посто́м.Mc 9:29

Живу́щым же им в галиле́и, рече́ им иису́с: пре́дан и́мать бы́ти сын челове́ческий в ру́це челове́ком:Lc 9:22; Lc 24:7

И убию́т его́, и тре́тий день воста́нет. и ско́рбни бы́ша зело́.

Прише́дшым же им в капернау́м, приступи́ша прие́млющии дидра́хма к петро́ви, и ре́ша: учи́тель ваш не даст ли дидра́хма?

Глаго́ла, ей. и егда́ вни́де в дом, предвари́ его́ иису́с, глаго́ля: что ти мни́тся, си́моне? ца́рие зе́мстии от ки́их прие́млют да́ни, или́ кинсо́н? от свои́х ли сыно́в, или́ от чужи́х?

Глаго́ла ему́ петр: от чужи́х. рече́ ему́ иису́с: у́бо свобо́дни суть сы́нове.

Но да не соблазни́м их, шед в мо́ре ве́рзи у́дицу, и и́же пре́жде и́меши ры́бу, возми́: и отве́рз уста́ ей, обря́щеши стати́р: той взем даждь им за мя и за ся.