Mat Matthew, chapter The Gospel According to Matthew, chapter 26
Other script: церковнославянский
И бысть, егда́ сконча́ иису́с вся словеса́ сия́, рече́ ученико́м свои́м:
Ве́сте, я́ко по двою́ дню па́сха бу́дет, и сын челове́ческий пре́дан бу́дет на пропя́тие.Mrk 14:1; Luk 22:1; Jhn 13:1
Тогда́ собра́шася архиере́е, и кни́жницы и ста́рцы людсти́и, во двор архиере́ов, глаго́лемаго каиа́фы:Psa 2:2; Jhn 11:47
И совеща́ша, да иису́са ле́стию и́мут, и убию́т.Psa 40:8
Глаго́лаху же: но не в пра́здник, да не молва́ бу́дет в лю́дех.
Иису́су же бы́вшу в вифа́нии, в дому́ си́мона прокаже́ннаго,Mrk 14:3; Jhn 11:2; Jhn 12:3
Приступи́ к нему́ жена́, сткля́ницу ми́ра иму́щи многоце́ннаго, и возлива́ше на главу́ его́, возлежа́щу.
Ви́девше же ученицы́ его́, негодова́ша, глаго́люще. чесо́ ра́ди ги́бель сия́ бысть?
Можа́ше бо сие́ ми́ро продано́ бы́ти на мно́зе, и да́тися ни́щым.
Разуме́в же иису́с рече́ им: что тружда́ете жену́? де́ло бо добро́ соде́ла о мне.
Всегда́ бо ни́щыя и́мате с собо́ю: мене́ же не всегда́ и́мате.Deu 15:11
Возлия́вши бо сия́ ми́ро сие́ на те́ло мое́, на погребе́ние мя сотвори́.
Ами́нь глаго́лю вам: иде́же а́ще пропове́дано бу́дет ева́нгелие сие́ во всем ми́ре, рече́тся, и е́же сотвори́ сия́, в па́мять ея́.
Тогда́ шед еди́н от обоюна́десяте, глаго́лемый иу́да искарио́тский, ко архиере́ом,Mrk 14:10; Luk 22:4
Рече́: что ми хо́щете да́ти, и аз вам преда́м его́? они́ же поста́виша ему́ три́десять сре́бреник.Zec 11:13
И отто́ле иска́ше подо́бна вре́мене, да его́ преда́ст.
В пе́рвый же день опресно́чный приступи́ша ученицы́ иису́сови, глаго́люще ему́: где хо́щеши, угото́ваем ти я́сти па́сху?Exo 12:6; Exo 12:15; Mrk 14:12; Luk 22:7
Он же рече́: иди́те во град ко о́нсице, и рцы́те ему́: учи́тель глаго́лет, вре́мя мое́ близ есть, у тебе́ сотворю́ па́сху со ученики́ мои́ми.
И сотвори́ша ученицы́, я́коже повеле́ им иису́с: и угото́ваша па́сху.
Ве́черу же бы́вшу возлежа́ше со обемана́десяте ученико́ма.Luk 22:14
И яду́щым им рече́: ами́нь глаго́лю вам, я́ко еди́н от вас преда́ст мя.Psa 40:10; Mrk 14:18; Jhn 13:21
И скорбя́ще зело́, нача́ша глаго́лати ему́ еди́н ки́йждо их: еда́ аз есмь, го́споди?
Он же отвеща́в рече́: омочи́вый со мно́ю в соли́ло ру́ку, той мя преда́ст.
Сын же челове́ческий и́дет, я́коже есть пи́сано о нем. го́ре же челове́ку тому́, и́мже сын челове́ческий преда́стся: добро́ бы бы́ло ему́, а́ще не бы роди́лся челове́к той.Psa 21:3; Isa 53:3; Dan 9:26
Отвеща́в же иу́да предая́й его́, рече́: еда́ аз есмь, равви́? глаго́ла ему́: ты рече́.
Яду́щым же им, прие́м иису́с хлеб, и благослови́в преломи́, и дая́ше ученико́м, и рече́: приими́те, яди́те, сие́ есть те́ло мое́.Mrk 14:22; Luk 22:19; 1Co 11:24
И прие́м ча́шу, хвалу́ возда́в, даде́ им, глаго́ля: пи́йте от нея́ вси.
Сия́ бо есть кровь моя́ но́ваго заве́та, я́же за мно́гия излива́ема, во оставле́ние грехо́в.Mat 20:28
Глаго́лю же вам: я́ко не и́мам пи́ти от ны́не от сего́ плода́ ло́знаго, до дне того́, егда́ и пию́ с ва́ми но́во во ца́рствии отца́ моего́.
И воспе́вше, изыдо́ша в го́ру елео́нску.
Тогда́ глаго́ла им иису́с: вси вы соблазните́ся о мне в нощь сию́. пи́сано бо есть: поражу́ па́стыря, и разы́дутся о́вцы ста́да.Zec 13:7; Mrk 14:27; Jhn 16:32
По воскресе́нии же мое́м, варя́ю вы в галиле́и.Mat 28:16; Mrk 14:28
Отвеща́в же петр рече́ ему́: а́ще и вси соблазня́тся о тебе́, аз никогда́же соблажню́ся.
Рече́ ему́ иису́с: ами́нь глаго́лю тебе́, я́ко в сию́ нощь, пре́жде да́же але́ктор не возгласи́т, трикра́ты отве́ржешися мене́.Mrk 14:30; Luk 22:34; Jhn 13:38
Глаго́ла ему́ петр: а́ще ми есть и умре́ти с тобо́ю, не отве́ргуся тебе́. та́кожде и вси ученицы́ ре́ша.
Тогда́ прии́де с ни́ми иису́с в весь нарица́емую гефсима́ниа, и глаго́ла ученико́м: седи́те ту, до́ндеже шед помолю́ся та́мо.Mrk 14:32; Luk 22:39
И пое́м петра́ и о́ба сы́на зеведе́ова, нача́т скорбе́ти и тужи́ти.Psa 114:3; Jhn 12:27
Тогда́ глаго́ла им иису́с: приско́рбна есть душа́ моя́ до сме́рти: пожди́те зде, и бди́те со мно́ю.
И преше́д ма́ло, паде́ на лице́ свое́м, моля́ся, и глаго́ля: о́тче мой, а́ще возмо́жно есть, да мимои́дет от мене́ ча́ша сия́: оба́че не я́коже аз хощу́, но я́коже ты.Mat 20:22; Jhn 5:30; Php 2:8; Heb 5:7
И прише́д ко ученико́м, и обре́те их спя́щя, и глаго́ла петро́ви: та́ко ли не возмого́сте еди́наго часа́ побде́ти со мно́ю?
Бди́те и моли́теся, да не вни́дете в напа́сть: дух бо бодр, плоть же немощна́.
Па́ки втори́цею шед помоли́ся, глаго́ля: о́тче мой, а́ще не мо́жет сия́ ча́ша мимоити́ от мене́, а́ще не пию́ ея́, бу́ди во́ля твоя́.
И прише́д обре́те их па́ки спя́щя, бе́ста бо им о́чи отяготе́не.
И оста́вль их, шед па́ки помоли́ся трети́цею, то́жде сло́во рек.
Тогда́ прии́де ко ученико́м свои́м, и глаго́ла им: спи́те про́чее, и почива́йте: се прибли́жися час, и сын челове́ческий предае́тся в ру́ки гре́шников.
Воста́ните, и́дем: се прибли́жися предая́й мя.
И еще́ ему́ глаго́лющу, се иу́да еди́н от обоюна́десяте прии́де, и с ним наро́д мног, со ору́жием и дреко́льми, от архиере́й и ста́рец людски́х.Mrk 14:43; Luk 22:47; Jhn 18:3
Предая́й же его́, даде́ им зна́мение, глаго́ля: его́же а́ще лобжу́, той есть, ими́те его́.
И а́бие присту́пль ко иису́сови, рече́: ра́дуйся равви́, и облобыза́ его́.
Иису́с же рече́ ему́: дру́же, твори́ на не́же еси́ прише́л.дру́же, на сие́ ли прише́л еси́? тогда́ присту́пльше возложи́ша ру́це на иису́са, и я́ша его́.
И се еди́н от су́щих со иису́сом, просте́р ру́ку, извлече́ нож свой: и уда́ри раба́ архиере́ова, и уре́за ему́ у́хо.
Тогда́ глаго́ла ему́ иису́с: возврати́ нож твой в ме́сто его́: вси бо прие́мшии нож ноже́м поги́бнут:Gen 9:6
Или́ мни́тся ти, я́ко не могу́ ны́не умоли́ти отца́ моего́, и предста́вит ми вя́щше или́ двана́десяте легео́на а́нгел?Dan 7:10
Ка́ко же у́бо сбу́дутся писа́ния, я́ко та́ко подоба́ет бы́ти?Psa 21:2; Isa 53:2; Dan 9:26
В той час рече́ иису́с наро́дом: я́ко на разбо́йника ли изыдо́сте со ору́жием и дреко́льми, я́ти мя? по вся дни при вас седе́х учя́ в це́ркви, и не я́сте мене́.
Се же все бысть, да сбу́дутся писа́ния проро́ческая. тогда́ ученицы́ вси оста́вльше его́, бежа́ша.
Во́ини же е́мше иису́са ведо́ша к каиа́фе архиере́ови, иде́же кни́жницы и ста́рцы собра́шася.Mrk 14:53; Luk 22:54
Петр же идя́ше по нем издале́ча, до двора́ архиере́ова: и вшед внутрь, седя́ше со слуга́ми, ви́дети кончи́ну.
Архиере́е же и ста́рцы, и сонм весь, иска́ху лжесвиде́тельства на иису́са, я́ко да убию́т его́,Psa 26:12; Psa 34:11; Mrk 14:55
И не обрета́ху: и мно́гим лжесвиде́телем присту́пльшым, не обрето́ша. по́слежде же приступи́ша два лжесвиде́теля,
Ре́ста: сей рече́, могу́ разори́ти це́рковь бо́жию, и треми́ де́ньми созда́ти ю.Mat 27:40; Mrk 14:58; Jhn 2:19
И воста́в архиере́й, рече́ ему́: ничесо́же ли отвещава́еши, что си́и на тя свиде́тельствуют.
Иису́с же молча́ше. и отвеща́в архиере́й, рече́ ему́: заклина́ю тя бо́гом живы́м, да рече́ши нам, а́ще ты еси́ христо́с сын бо́жий?Isa 53:7; Act 8:33
Глаго́ла ему́ иису́с: ты рече́. оба́че глаго́лю вам: отсе́ле у́зрите сы́на челове́ческаго седя́ща одесну́ю си́лы, и гряду́ща на о́блацех небе́сных.Psa 109:1; Dan 7:13; Mat 16:27; Jhn 6:62; Act 1:11; Rom 14:11; 1Th 4:16; Rev 1:7
Тогда́ архиере́й растерза́ ри́зы своя́, глаго́ля: я́ко хулу́ глаго́ла, что еще́ тре́буем свиде́телей? се ны́не слы́шасте хулу́ его́:
Что ся вам мнит? они́ же отвеща́вше, ре́ша: пови́нен есть сме́рти.
Тогда́ заплева́ша лице́ его́, и па́кости ему́ де́яхуи по лани́тома бия́ху его́, о́вии же за лани́ту уда́ришазауша́ху его́,Isa 50:6; Isa 53:3
Глаго́люще: прорцы́ нам христе́, кто есть ударе́й тя?
Петр же вне седя́ше во дворе́, и приступи́ к нему́ еди́на рабы́ня, глаго́лющи: и ты бе со иису́сом галиле́йским.
Он же отве́ржеся пред все́ми, глаго́ля: не вем, что глаго́леши.Mrk 14:68
Изше́дшу же ему́ ко врато́м, узре́ его́ друга́я, и глаго́ла им ту: и сей бе со иису́сом назоре́ом.
И па́ки отве́ржеся с кля́твою: я́ко не зна́ю челове́ка.
По ма́ле же приступи́вше стоя́щии, ре́ша петро́ви: вои́стинну и ты от них еси́: и́бо бесе́да твоя́ я́ве тя твори́т.
Тогда́ нача́т роти́тися и кля́тися, я́ко не зна́ю челове́ка. и а́бие пе́тел возгласи́.Mrk 14:72
И помяну́ петр глаго́л иису́сов, рече́нный ему́: я́ко пре́жде да́же пе́тел не возгласи́т, трикра́ты отве́ржешися мене́, и изше́д вон пла́кася го́рько.