1Th 1 Thessalonians, chapter First Epistle to the Thessalonians, chapter 2

Са́ми бо ве́сте, бра́тие, вход наш и́же к вам, я́ко не вотще́ бысть:

но предпострада́вше и досажде́ни бы́вше, я́коже ве́сте, в фили́ппех, дерзну́хом о бо́зе на́шем глаго́лати к вам благовествова́ние бо́жие со мно́гим по́двигом.Act 16:22

Утеше́ние бо на́ше не от пре́лести, ни от нечистоты́, ни ле́стию:2Co 2:17

но я́коже искуси́хомся от бо́га ве́рни бы́ти прия́ти благовествова́ние, та́ко глаго́лем, не а́ки челове́ком угожда́юще, но бо́гу искуша́ющему сердца́ на́ша.Jer 17:10

Никогда́же бо в словеси́ ласка́ния бы́хом к вам, я́коже ве́сте, ниже́ в вине́ лихоима́ния: бог свиде́тель!

Ни и́щуще от челове́к сла́вы, ни от вас, ни от ине́х:

могу́ще в тяготе́ бы́ти, я́коже христо́вы апо́столи, но бы́хом ти́си посреде́ вас, я́коже дои́лица гре́ет своя́ ча́да.2Ti 2:24

Та́ко жела́юще вас, благоволи́хом пода́ти вам не то́чию благовествова́ние бо́жие, но и ду́шы своя́, зане́же возлю́блени бы́сте нам.

По́мните бо, бра́тие, труд наш и по́двиг: нощь бо и день де́лающе, да не отяготи́м ни еди́наго от вас, пропове́дахом вам благовествова́ние бо́жие.Act 18:3; 1Co 4:12; 2Th 3:8

Вы свиде́теле и бог, я́ко преподо́бно и пра́ведно и непоро́чно вам ве́рующым бы́хом,

я́коже ве́сте, зане́ еди́наго кого́ждо вас, я́коже оте́ц ча́да своя́,

моля́ще и утеша́юще вас, и свиде́телствующе вам ходи́ти досто́йно бо́гу, призва́вшему вы во свое́ ца́рство и сла́ву.Eph 4:1; Php 1:27; Col 1:10

Сего́ ра́ди и мы благодари́м бо́га непреста́нно, я́ко прие́мше сло́во слы́шания бо́жия от нас, прия́сте не а́ки сло́во челове́ческо, но, я́коже есть вои́стинну, сло́во бо́жие, е́же и де́йствуется в вас ве́рующих.

Вы бо подо́бницы бы́сте, бра́тие, це́рквам бо́жиим су́щым во иуде́и о христе́ иису́се, зане́ та́яжде и вы пострада́сте от свои́х сплеме́нник, я́коже и ти́и от иуде́й,Heb 10:34

уби́вших и го́спода иису́са и его́ проро́ки, и нас изгна́вших, и бо́гу не угоди́вших, и всем челове́ком проти́вящихся,Mat 23:34

(и) возбраня́ющих нам глаго́лати язы́ком, да спасу́тся, во е́же испо́лнити им грехи́ своя́ всегда́: пости́же же на них гнев до конца́.

Мы же, бра́тие, осироте́вше от вас ко вре́мени часа́ лице́м, а не се́рдцем, ли́шше тща́хомся лице́ ва́ше ви́дети мно́гим жела́нием.

Те́мже хоте́хом приити́ к вам, аз у́бо па́вел, еди́ною и два́жды: и возбрани́ нам сатана́.

Кто бо нам упова́ние или́ ра́дость или́ вене́ц похвале́ния? Не и вы ли пред го́сподем на́шим иису́с христо́м во прише́ствии его́?2Co 1:14

Вы бо есте́ сла́ва на́ша и ра́дость.Php 4:1