Psa Mga Salmo, salmo Ang Libro sa Mga Salmo, salmo 97
Naghari ang Ginoo!
Busa angay nga maglipay ang kalibotan,
apil na ang mga isla.Psa 93:1; Psa 99:1; Zec 9:10
Gilibotan siya sa mabagang dag-om,
ug naghari siya sa katarong ug kaangayan.Rev 10:1; Psa 89:14
Gauna kaniya ang kalayo
ug gilamoy niini ang iyang mga kaaway sa palibot.
Ang iyang kilat midan-ag sa kalibotan;
nakita kini sa mga tawo ug nangurog sila sa kahadlok.Rev 4:5; Psa 77:16
Natunaw nga daw kandila ang kabukiran diha sa presensya sa Ginoo,
ang Ginoo nga naggahom sa tibuok kalibotan.
Nagpadayag ang kalangitan nga siya matarong,
ug ang tanang katawhan nakakita sa iyang pagkagamhanan.Psa 19:1
Naulawan ang tanang nagsimba sa mga imahen
ug nagpasigarbo sa mga dios.
Kamong tanang mga dios, moyukbo kamo sa pagsimba sa Dios.Exo 20:4; Lev 26:1; Deu 5:8
Ginoo, nadungog sa mga lumulupyo sa Zion97:8 Zion: mao usab ang Jerusalem.
ug sa uban pang mga lungsod sa Juda nga silotan mo ang ilang mga kaaway,
busa nangalipay sila.
Kay ikaw, Ginoo, nga Labing Halangdong Dios,
naggahom sa tibuok kalibotan.
Gipasidunggan ka labaw sa tanang mga dios.Psa 135:5
Ang mga naghigugma sa Ginoo angay nga masilag sa daotan.
Kay ginatipigan sa Ginoo ang kinabuhi sa iyang matinumanon nga katawhan.
Ug ginaluwas niya sila gikan sa kamot sa mga daotan.Amo 5:15; Rom 12:9
Ang kaayo sa Dios sama sa adlaw nga nagsidlak sa mga matarong
ug naghatag ug kalipay kanila.2Sa 22:29; Job 18:5; Psa 112:4
Kamong mga matarong, paglipay kamo tungod sa gihimo sa Ginoo kaninyo.
Dayega ninyo siya isip paghinumdom sa iyang pagkabalaan.Psa 32:11