Плач Плач Ераміі, раздзел Кніга плач Ераміі, раздзел 5
Узгадай, ГОСПАДЗЕ, што сталася з намі; гледзячы, узглянь і пабач ганьбу нашую.Езк 5:14
Спадчына нашая перададзеная чужым, дамы нашыя — чужынцам.Ер 6:12
Мы сталіся сіротамі; няма бацькі, маці нашыя — як удовы.
Ваду сваю мы п’ем за срэбра, дровы нашыя прадаюць нам на грошы.Езк 4:16
Перасьледвальнікі на шыі нашай, мы цяжка працуем, ня маем супачынку.
Мы выцягнулі руку сваю да Эгіпту і да Асірыі, каб насыціцца хлебам.
Бацькі нашыя грашылі; і іх няма, і беззаконьні іхнія мы носім.Вых 20:5; Ер 31:29; Езк 8:2
Слугі пануюць над намі, і няма [нікога], хто вызваліць нас з рукі іхняй.Дрз 28:48
Прыносім хлеб свой, выстаўляючы душу сваю на меч у пустыні.
Скура нашая распаленая, як печ, ад палючага голаду.Езк 22:22
Жанчын гвалцілі на Сыёне, дзяўчат — у гарадах Юды.Дрз 28:30
Князі павешаныя рукамі іхнімі, абліччы старых ня маюць пашаны.Плач 4:16
Юнакі носяць камяні млыновыя, хлопцы спатыкаюцца, [носячы] дровы.
Старыя больш не сядзяць у брамах, юнакі не сьпяваюць.
Спынілася вясёласьць сэрца нашага, перамяніліся ў жалобу карагоды нашыя.Ас 2:13
Звалілася карона з галавы нашай; гора нам, бо мы саграшылі.Ер 13:18
Дзеля гэтага млявае сэрца нашае, дзеля гэтага зацемраныя вочы нашыя,Ер 13:16
бо спустошаная гара Сыён, лісы ходзяць па ёй.
Ты, ГОСПАДЗЕ, трываеш на вякі, пасад Твой — з пакаленьня ў пакаленьне.Пс 9:8
Чаму Ты забыўся на нас назаўсёды, пакінуў нас на доўгія дні?Пс 13:2
Навярні нас да Сябе, ГОСПАДЗЕ, і мы навернемся; аднаві дні нашыя, як даўней [было].Ер 31:18
Няўжо Ты, адкідаючы, адкінуў нас? Няўжо Ты загневаўся на нас аж так моцна?