Пс Псалтыр, псалом Псалтыр, псалом 3
Псальм Давіда, калі ён уцякаў ад аблічча Абсалома, сына свайго.2Цар 15:14
ГОСПАДЗЕ, як шматлікія сталі прыгнятальнікі мае! Шмат іх паўстае супраць мяне!
Шмат тых, якія кажуць пра душу маю: «Няма для яго збаўленьня ў Бога». (Сэлях)
Але Ты, ГОСПАДЗЕ, — шчыт для мяне, Ты — слава мая, і Ты падымаеш галаву маю.Пс 28:7
Голасам маім я клікаў да ГОСПАДА, і Ён адказаў мне з гары Сваёй сьвятой. (Сэлях)
Я лёг і заснуў, і абудзіўся, бо ГОСПАД падтрымлівае мяне.
Не палохаюся я многіх тысячаў народу, што абступілі мяне наўкола.Лк 12:4
Паўстань, ГОСПАДЗЕ! Збаў мяне, Божа мой! Бо Ты даў ворагам маім па сківіцах, Ты скрышыў зубы бязбожнікаў.
У ГОСПАДА збаўленьне і для народу Твайго дабраслаўленьне Тваё. (Сэлях)Іс 43:11; Ас 13:4