ПсPsa ПсалтырŽalmy, псаломžalm ПсалтырKniha žalmů, псаломžalm 6

Překlady Porovnat

Кіраўніку хору: на струнных інструмэнтах, на актаву. Псальм Давіда.

ГОСПАДЗЕ, у гневе Тваім не карай мяне і ў ярасьці Тваёй не вучы мяне!Пс 38:2; Ер 10:24

Зьлітуйся нада мною, ГОСПАДЗЕ, бо я нядужы; аздараві мяне, ГОСПАДЗЕ, бо трымцяць косткі мае,

і душа мая трымціць вельмі. О, ГОСПАДЗЕ, дакуль?

Павярніся, ГОСПАДЗЕ, выратуй душу маю, збаў мяне дзеля міласэрнасьці Тваёй!

Бо ў сьмерці няма памяці пра Цябе, і ў пекле хто будзе славіць Цябе?Пс 30:10

Я зьнямогся ад уздыханьня майго; штоноч паліваю я ложак мой, сьлязьмі паліваю пасьцель маю.

Ад тугі высахла вока маё, састарэлася праз усіх, хто ўціскае мяне.Ёў 17:7

Адступіцеся ад мяне, усе злачынцы, бо ГОСПАД пачуў голас плачу майго.Пс 119:115; Мц 7:23

ГОСПАД пачуў маленьне маё, ГОСПАД прыняў малітву маю.

Няхай будуць асаромленыя ворагі мае і няхай затрымцяць моцна, няхай павернуцца назад і будуць імгненна асаромленыя.Пс 35:4