ПсPsa ПсалтырŽalmy, псаломžalm ПсалтырKniha žalmů, псаломžalm 83

Překlady Porovnat

Сьпеў. Псальм Асафа.

Божа! Не маўчы, і ня будзь у маўчаньні і ў супакоі, Божа!Пс 109:1

Бо вось, узварухнуліся ворагі Твае, і ненавісьнікі Твае паднялі галаву.

Супраць народу Твайго яны кнуюць [намеры] таемныя і радзяцца супраць тых, каго Ты ахоўваеш.Мц 26:4

Яны сказалі: «Хадзіце і сатрэм іх між народамі, і імя Ізраіля ня будзе ўзгадвацца болей».Ер 11:19; Дзеі 14:5

Бо радзіліся яны аднадумна, супраць Цябе заключылі запавет

намёты Эдому і Ізмаэльцы, Мааў і Агаране,

Геваль і Амон, і Амалек, Філістынцы і жыхары Тыру.Езк 27:9

І Асур далучыўся да іх, стаўся ён рамяном для сыноў Лота. (Сэлях)Быц 19:37

Зрабі ж Ты ім як Мадыяну, як Сісэры, як Явіну каля ручая Кішон,Суд 4:15

якія зьнішчаныя каля Эндору, сталіся як гной на зямлі.

Учыні з імі, з магнатамі іхнімі як з Арэвам і Зэвам, і з усімі князямі іхнімі, як з Зэвахам і Сальмунам,Суд 7:25; Суд 8:12; Суд 8:21

якія казалі: «Возьмем сабе ў спадчыну сялібы Божыя!»

Божа мой! Зрабі іх як [пыл у] віхуры, як салому пад ветрам!Іс 17:13; Пс 1:4

Як агонь паліць лясы і як полымя апальвае горы,

гэтак Ты перасьледуй іх бурай Тваёю і віхурай Тваёй напалохай!

Напоўні сорамам абліччы іхнія, і будуць шукаць імя Тваё, ГОСПАДЗЕ.Пс 70:3

Няхай будуць асаромленыя і спалоханыя навечна, няхай будуць у сораме і загінуць,

і даведаюцца, што імя Тваё — ГОСПАД, і толькі Ты — Найвышэйшы над усёй зямлёю.Вых 14:4; Вых 15:3