РымRom РымлянамŘímanům, раздзелkapitola Пасланне да РымлянList Římanům, раздзелkapitola 3

Překlady Porovnat

Дык якая перавага Юдэя, ці якая карысьць ад абразаньня?

Вялікая ў-ва ўсіх адносінах, а найперш у тым, што ім даверана слова Божае.Дрз 4:8; Пс 147:19; Рым 9:4

Бо што, калі некаторыя не паверылі? Ці недаверства іхняе зьнішчыць веру Божую?Лік 23:19; 2Цім 2:13

Няхай ня станецца! Бог ёсьць праўдзівы, а ўсякі чалавек хлусьлівы, як напісана: «Каб Ты быў праведны ў словах Тваіх і перамог у судзе Тваім».Пс 51:6; Пс 116:11; Ян 3:33

А калі нашая няправед­насьць зьяўляе праведнасьць Божую, што скажам? Ці Бог, Які выяўляе гнеў, няправедны? Кажу па-чалавечаму.

Няхай ня станецца! Бо як жа Бог будзе судзіць сьвет?Быц 18:25; Ёў 8:3

Бо калі праўда Божая праз маю хлусьлівасьць памнажаецца на славу Ягоную, за што яшчэ мяне судзяць як грэшніка?

I ці не рабіць нам благое, каб выйшла добрае, як некаторыя блюзьняць на нас і кажуць, што мы гэтак кажам? Справядлівы суд на такіх!Рым 6:15

Дык што? Ці мы лепшыя? Зусім не! Бо мы ўжо давялі, што і Юдэі, і Грэкі, — усе пад грэхам,Гал 3:22

як напісана: «Няма праведнага аніводнага;Пс 53:4

няма таго, хто разумее; няма таго, хто шукае Бога.Быц 8:21

Усе ўхіліліся, разам нягодныя; няма таго, хто робіць дабро, няма аніводнага.Пс 14:1

Горла іхняе — магіла адчыненая; языкамі сваімі ашукваюць, атрута зьмяіная на губах іхніх.Пс 5:10; Пс 140:4

Вусны іхнія поўныя абмовы і горычы.Пс 10:7

Ногі іхнія хуткія на праліцьцё крыві,

зьнішчэньне і няшчасьце на шляхах іхніх,

і шляху супакою яны не пазналі.Выс 1:16; Іс 59:7

Няма страху Божага перад вачыма іхнімі».Пс 36:2

А мы ведаем, што Закон усё, што гаворыць, гаворыць да тых, якія пад Законам, каб усе вусны былі загароджаныя і ўвесь сьвет стаўся вінаватым перад Богам,Пс 107:42; Пс 143:2; Езк 16:63

бо справамі Закону не апраўдаецца перад Ім ніякае цела; бо праз Закон пазнаецца грэх.Рым 7:7; Гал 2:16

А цяпер, незалежна ад Закону, зьяўлена праведнасьць Божая, засьведчаная праз Закон і Прарокаў,Быц 15:6; Іс 28:16; Абак 2:4

праведнасьць Божая праз веру ў Ісуса Хрыста для ўсіх і на ўсіх тых, якія вераць; бо няма розьніцы,Гал 3:28

бо ўсе зграшылі і пазбаўлены славы Божае,Рым 3:10; Рым 5:12

атрымліваючы апраўданьне дарма ласкай Ягонай праз адкупленьне ў Хрысьце Ісусе,Іс 55:1; Рым 8:32

Якога Бог пастанавіў [быць] ахвярай перамольнай у крыві Ягонай праз веру, дзеля выяўленьня праведнасьці Сваёй праз дараваньне грахоў, учыненых раней, у [час] цярплівасьці Божае,Дзеі 13:38; 2Кар 5:19

дзеля выяўленьня праведнасьці Сваёй у цяперашні час, каб быў Ён праведны і апраўдваў таго, хто верыць у Ісуса.

Дык дзе тое, чым хваліцца? Выключана. Якім законам? [Законам] учынкаў? Не, але законам веры.

Дык мы лічым, што чалавек апраўдваецца вераю, незалежна ад учынкаў Закону.

Няўжо Бог толькі Юдэяў, а не паганаў таксама? Так, і паганаў,Быц 17:5

бо адзін Бог, Які апраўдае абразаньне з веры і неабразаньне праз веру.Рым 4:11

Дык мы зьнішчаем Закон праз веру? Няхай ня станецца! Але ўсталёўваем Закон.Гал 3:24