Num Numeri, kapitola Čtvrtá kniha Mojžíšova, kapitola 21
Jiné písmo: церковнославянский
И услы́ша ханане́й царь ара́дский живы́й при пусты́ни, я́ко прии́де изра́иль путе́м афари́мским, и ра́това проти́ву изра́иля, и взя от них плен.Num 33:40
И обеща́ся изра́иль обе́том го́споду и рече́: а́ще мне преда́си лю́ди сия́ подру́чны, погублю́ их и гра́ды их.Lev 27:28
И услы́ша госпо́дь глас изра́илев и предаде́ ханане́а подру́чна ему́: и опустоши́ его́ и гра́ды его́, и прозва́ и́мя ме́сту тому́ запусте́ние.Jos 2:9
И воздви́гшеся от о́ра горы́ путе́м и́же к мо́рю чермно́му, обыдо́ша зе́млю едо́млю: и малоду́шествоваша лю́дие на пути́,Num 11:1
и ропта́ху лю́дие на бо́га и на моисе́а, глаго́люще: вску́ю изве́л еси́ ны из еги́пта уби́ти нас в пусты́ни, я́ко несть хле́ба, ни воды́? и душа́ на́ша негоду́ет о хле́бе сем тщем.Deu 6:16
И посла́ госпо́дь на лю́ди змие́в умерщвля́ющих, и угрыза́ху люди́й: и умро́ша лю́ди мно́зи от сыно́в изра́илевых.Wis 16:5; 1Co 10:9
И прише́дше лю́дие к моисе́ови глаго́лаша: согреши́хом, я́ко ропта́хом на го́спода и на тя: помоли́ся у́бо ко го́споду, да отжене́т от нас змии́. И помоли́ся моисе́й ко го́споду о лю́дех.Exo 8:8
И рече́ госпо́дь к моисе́ю: сотвори́ себе́ змию́ (ме́дяну) и положи́ ю на зна́мя: и бу́дет а́ще угрызе́т змия́ челове́ка, всяк угрызе́нный ви́дев ю жив бу́дет.Jhn 3:14
И сотвори́ моисе́й змию́ ме́дяну и поста́ви ю на зна́мени: и бысть егда́ угрыза́ше змия́ челове́ка, и взира́ше на змию́ ме́дяну, и ожива́ше.2Ki 18:4; Jhn 3:14
И воздвиго́шася сы́нове изра́илевы, и ополчи́шася во ово́фе:Num 33:43
и воздви́гшеся от ово́фа, ополчи́шася во ахалге́и об ону́ страну́ пусты́ни, я́же есть пред лице́м моави́тским, на восто́к со́лнца:Num 33:44
и отту́ду воздвиго́шася, и ополчи́шася в де́бри заре́д:Deu 2:13
и отту́ду воздви́гшеся, ополчи́шася об ону́ страну́ арно́на в пусты́ни, я́же исхо́дит от преде́л аморре́йских: есть бо арно́н преде́л моа́вль между́ моа́вом и между́ аморре́ом.Jdg 11:13
Сего́ ра́ди глаго́лется в кни́зе брань го́сподня: зоо́ву попали́, и пото́ки арно́ни,
и пото́ки устро́и в селе́ние ир, и прилежи́т преде́лом моа́влим.Isa 15:8
И отту́ду (воздвиго́шася) ко кла́дязю: сей есть кла́дязь, о не́мже рече́ госпо́дь к моисе́ю: собери́ лю́ди, и дам им во́ду пи́ти.
Тогда́ воспе́ изра́иль песнь сию́ у кла́дязя: начина́йте ему́:
кла́дязь, ископа́ша его́ кня́зи, изсеко́ша его́ ца́рие язы́честии во ца́рствии их, внегда́ облада́ти и́ми. И от кла́дязя (воздвиго́шася) в манфанаи́л:Deu 33:21
и от манфанаи́ла в наадии́л, и от наадии́ла в вамо́ф:
и от вамо́фа в на́пин, и́же есть на по́ли моа́вли, от ве́рха изсе́ченаго, зря́щаго пред лице́ пусты́ни.
И посла́ моисе́й послы́ к сио́ну царю́ аморре́йску, словесы́ ми́рными глаго́ля:Deu 2:26; Jdg 11:19; Neh 9:22
да про́йдем сквозе́ зе́млю твою́, путе́м по́йдем: не уклони́мся ни на се́ла, ни на виногра́ды, не испие́м воды́ от кла́дязь твои́х: путе́м ца́рским по́йдем, до́ндеже про́йдем преде́лы твоя́.
И не даде́ сио́н изра́илю проити́ сквозе́ преде́лы своя́: и собра́ сио́н вся лю́ди своя́, и изы́де ополчи́тися на изра́иля в пусты́ню: и прии́де во иасса́н, и ополчи́ся на изра́иля.Deu 2:32
И порази́ его́ изра́иль уби́йством меча́, и облада́ше земле́ю его́ от арно́на до иаво́ка, да́же до сыно́в амма́них: я́ко иази́р преде́лы сыно́в амма́них суть.Deu 31:4; Jos 9:10; Jos 24:8; Jdg 11:21; Psa 134:11; Amo 2:9; 4Es 1:11
И взя изра́иль вся гра́ды сия́: и всели́ся изра́иль во всех граде́х аморре́йских, во есево́не и во всех подлежа́щих ему́:
есть бо есево́н град сио́на царя́ аморре́йска: и сей повоева́ царя́ моа́вля пре́жде и взя всю зе́млю его́ от арои́ра да́же до арно́на.
Сего́ ра́ди реку́т при́точницы: прииди́те во есево́н, да согради́тся и сози́ждется град сио́н:
я́ко огнь изы́де от есево́на и пла́мень от гра́да сио́на, и пояде́ да́же до моа́ва, и пожре́ столпы́ арно́нския:Jer 48:45
го́ре тебе́, моа́ве, погибо́сте, лю́дие хамо́совы: про́дани бы́ша сы́нове их в заключе́ние и дще́ри их пле́нницы царю́ аморре́йскому сио́ну:1Ki 11:7
и се́мя их поги́бнет, есево́н да́же до дево́на: и жены́ их еще́ разожго́ша огнь на моа́ва.Isa 15:2; Jer 48:8
Всели́ся же изра́иль во вся гра́ды аморре́йски:
и посла́ моисе́й согля́дати иази́ра: и взя́ша его́ и се́ла его́, и изгна́ша аморре́а живу́щаго та́мо:
и возврати́вшеся, приидо́ша путе́м в васа́н. И изы́де ог, царь васа́нский, проти́ву им и вси лю́дие его́ на брань во едраи́н.Deu 3:1; Deu 29:7
И рече́ госпо́дь к моисе́ю: не убо́йся его́, я́ко в ру́це твои́ преда́х его́ и вся лю́ди его́ и всю зе́млю его́: и сотвори́ши ему́, я́коже сотвори́л еси́ сио́ну царю́ аморре́йску, и́же живя́ше во есево́не.Psa 134:11
И порази́ его́ и сы́ны его́ и вся лю́ди его́, да́же не оста́ в них живы́й: и насле́диша зе́млю его́.