Psa Mga Salmo, salmo Ang Libro sa Mga Salmo, salmo 115
Dili kami ang angay pasidunggan, Ginoo, kondili ikaw,
tungod sa imong gugma ug pagkamatinumanon.1Ch 16:35
Nganong giinsulto kami sa ubang mga nasod
pinaagi sa pag-ingon, “Hain na ang inyong Dios?”Psa 42:3
Ang among Dios anaa sa langit ug buhaton niya ang iyang gusto.Deu 33:26
Apan ang ilang mga dios-dios binuhat lang sa tawo gikan sa plata ug bulawan.Psa 135:15
Adunay mga baba kini, apan dili makasulti;
adunay mga mata, apan dili makakita.
Adunay mga dalunggan, apan dili makadungog;
adunay mga ilong, apan dili makasimhot.Psa 135:17
Adunay mga kamot, apan dili makakupot;
adunay mga tiil, apan dili makalakaw,
ug dili gani makatingog.
Ang tanang naghimo ug misalig niini nga mga dios-dios
mahisama usab kanila nga walay pulos.Jer 10:8
Kamong mga katawhan sa Israel,
apil na kamong mga kaliwat ni Aaron, salig kamo sa Ginoo.
Siya ang inyong magtatabang
ug tigpanalipod.Psa 130:5
Kamong nagtahod sa Ginoo, salig kamo kaniya.
Siya ang inyong magtatabang ug tigpanalipod.
Kanunay kitang gihuna-huna sa Ginoo,
ug panalanginan niya kita.
Panalanginan niya ang katawhan sa Israel
apil na ang mga kaliwat ni Aaron.
Panalanginan niya
ang tanang nagtahod kaniya, inila man o dili.
Hinaut nga kamo
ug ang inyong mga kaliwat padaghanon sa Ginoo.
Hinaut nga panalanginan kamo sa Ginoo
nga nagbuhat sa kalangitan ug sa kalibotan.
Ang kalangitan iya sa Ginoo,
apan ang kalibotan gitugyan niya sa mga tawo.Deu 10:14
Ang mga patay dili makadayeg sa Ginoo,
kay atua na sila sa hilom nga lubnganan.Psa 6:5; Isa 38:18
Kita nga mga buhi mao ang makadayeg kaniya
karon ug hangtod sa kahangtoran.
Dayega ang Ginoo!Dan 2:20