Psa Mga Salmo, salmo Ang Libro sa Mga Salmo, salmo 139
Ang awit alang sa maestro sa mga mag-aawit. Awit ni David.
Ginoo, gisusi mo ako ug nakaila ka kanako.Pro 24:12; Jhn 21:17
Nahibalo ka kon kanus-a ako molingkod o motindog.
Bisan anaa ikaw sa halayo
nasayod ka sa tanan kong gihuna-huna.2Sa 7:20; Jer 12:3; Deu 31:21
Gibantayan mo ako sa akong paglakaw ug pagpahulay.
Nahibalo ka sa tanan kong ginahimo.Psa 119:168
Ginoo, bisan wala pa ako makasulti,
nahibaloan mo nang daan ang akong isulti.
Anaa ka sa akong palibot,
ug gipanalipdan mo ako sa imong gahom.
Ang imong kaalam labihan gayod ka katingalahan alang kanako;
dili ko kini matugkad.
Asa man ako moadto aron makaikyas sa imong Espiritu139:7 Espiritu: o espiritu; o gahom.?
Makatago ba ako sa imong presensya?
Kon mosaka ako sa langit, atua ka;
kon moadto ako sa dapit sa mga patay, atua ka usab.Amo 9:2
Kon molupad ako paingon sa sidlakan
o mopuyo sa kinalayoan nga dapit sa kasadpan,Psa 55:6
atua ka gihapon didto sa pag-agak ug pagtabang kanako.
Kon hangyoon ko ang kangitngit sa pagtabon kanako,
ug ang kahayag nga naglibot kanako nga mahimong gabii,Job 34:22; Jer 23:24; Heb 4:13
apan bisan ang kangitngit dili ngitngit alang kanimo,
ug ang gabii sama ra kahayag sa adlaw.
Kay ang kangitngit ug ang kahayag
managsama ra alang kanimo.Jas 1:17
Nakaila ka kanako kay ikaw ang naghimo kanako.
Ikaw ang gaumol kanako didto sa tagoangkan sa akong inahan.Job 10:11
Gidayeg ka nako kay katingalahan gayod ang pagkahimo mo kanako.
Katingalahan ang imong mga buhat,
ug nasayod gayod ako niini.Psa 119:71; Rev 15:3
Nakita mo ang akong mga bukog sa dihang gihimo ako sa tago
sulod sa tagoangkan sa akong inahan.139:15 sulod…inahan: sa literal, sa kinahiladman sa yuta.Ecc 11:5
Nakita mo na ako sa wala pa ako maporma.
Ang gitagal nga mga adlaw sa akong kinabuhi
nasulat na sa imong libro, bisan wala pa kini magsugod.Job 14:5; Mal 3:16
O Dios, dili ko matugkad ang imong huna-huna;139:17 dili…huna-huna: o bililhon kaayo alang kanako ang imong mga katuyoan.
labihan kini kadaghan.
Kon ihapon ko kini, daghan pa kini kay sa balas.
Sa akong pagmata ang akong huna-huna anaa gihapon kanimo.139:18 Sa akong pagmata…kanimo: o Kon ihapon ko man gayod kining tanan, kinahanglan mabuhi ako ug sama kanimo kadugay.Gen 22:17
O Dios, hinaut nga pamatyon mo ang mga tawong daotan!
Hinaut nga magpalayo kanako ang mga tawong motapos sa kinabuhi sa uban.Psa 5:6
Nagsulti sila ug daotan batok kanimo.
Gipanamastamasan nila ang imong ngalan.
Ginoo, gikasilagan ko ang mga nasilag kanimo.
Gikapungtan ko ang nakigbatok kanimo.Psa 101:3
Labihan gayod ang akong kapungot kanila;
giisip ko silang akong mga kaaway.Rom 12:9
Susiha ako, O Dios,
aron mahibaloan mo kon unsay anaa
sa akong kasing-kasing.
Sulayi ako, aron mahibaloan mo
kon unsay anaa sa akong huna-huna.Job 31:6; Psa 26:2
Tan-awa kon aduna ba akoy nahimo nga daotan,
ug agaka ako sa dalan nga angay kong agian