Габр Габрэям, раздзел Пасланне да Габрэяў, раздзел 1
Бог, Які шмат разоў і ўсякімі спосабамі гаварыў зьвеку да бацькоў нашых праз прарокаў,Лік 12:6; 1Пётр 1:10
у апошнія дні гэтыя гаварыў нам праз Сына, Якога паставіў спадкаемцам усяго, празь Якога і вякі стварыў.Пс 2:8; Іс 9:6; Ян 1:3; Ян 8:26; Ян 15:15; Гал 4:4; Эф 1:10
Гэты, будучы водбліскам славы Ягонай і вобразам істоты Ягонай і трымаючы ўсё словам сілы Сваёй, зьдзейсьніўшы Сабою ачышчэньне грахоў нашых, сеў праваруч велічы на вышыні,Пс 109:1; 2Кар 4:4; Эф 1:7; Кал 1:15
будучы настолькі дасканалейшым за анёлаў, наколькі слаўнейшае перад імі ўспадкаваў Імя.Флп 2:9
Бо калі і каму з анёлаў сказаў Бог: «Ты Сын Мой, Я сёньня нарадзіў Цябе»? І яшчэ: «Я буду Яму Айцом, і Ён будзе Мне Сынам»?Пс 2:7; 2Цар 7:14; 1Пар 17:13; Габр 5:5
Таксама, калі ўводзіць Першароднага ў сусьвет, кажа: «Няхай паклоняцца Яму ўсе анёлы Божыя».Пс 96:7
Пра анёлаў сказана: «Ты творыш анёламі Сваімі духаў і слугамі Сваімі палымяны вагонь».Пс 103:4
А пра Сына: «трон Твой, Божа, у век веку; жазло валадараньня Твайго - жазло праўды.Лк 1:32
Ты палюбіў праўду і зьненавідзеў беззаконьне; таму памазаў Цябе, Божа, Бог Твой алеем радасьці больш за саўдзельнікаў Тваіх»;Пс 44:7; Іс 61:1; Ян 3:34; Дзеі 4:27
І: «у пачатку Ты, Госпадзе, заснаваў зямлю, і нябёсы - дзеля рук Тваіх;
яны загінуць, а Ты застанешся; і ўсе састарацца, нібы рыза,Іс 34:4; Іс 51:6; Мц 24:35
і як вопратку згорнеш іх, і зьменяцца; але Ты той самы і гады Твае ня скончацца».Пс 101:26
Каму калі з анёлаў сказаў Бог: «сядзі праваруч Мяне пакуль пакладу Тваіх ворагаў падножжам нагам Тваім»?Пс 109:1; Мк 12:36; Мк 16:19; Эф 1:20
Ці ж ня ўсе яны службовыя духі, пасыланыя на служэньне тым, якія маюць успадкаваць збавеньне?Быц 19:16; Пс 33:8; Пс 90:11; Пс 102:21; Дан 7:10; Дзеі 5:19