Пс Псалтыр, псалом Псалтыр, псалом 131
Песьня ўзыходжаньня.
Спамяні, Госпадзе, Давіда, і ўсе ягоныя пакуты:Нээм 13:14
як ён прысягаў Госпаду, даваў зарок Моцнаму Якава;
«не ўвайду ў палатку дома майго, ня ўзыду на ложак мой;2Цар 7:2; 3Цар 8:17
ня дам сну вачам маім і павекам маім дрымоты,Выс 6:4
пакуль не знайду месца Госпаду, жытлішча Моцнаму Якава».Дзеі 7:46
Вось, мы чулі пра яго ў Эфраце, знайшлі яго на палях Ярыма.1Цар 7:1
Пойдзем да жытлішча Ягонага, паклонімся падножжу ног Ягоных.Пс 17:7
Стань, Госпадзе, на месца пакою Твайго, Ты і каўчэг магутнасьці Тваёй.2Пар 6:41
Сьвятары Твае апранаюцца ў праўду, і сьвятыя Твае ўзрадуюцца.
Дзеля Давіда, раба Твайго, не адвярні аблічча памазанца Твайго.2Пар 6:42
Прысягаў Гасподзь Давіду ў ісьціне, і не зрачэцца яе; «ад плоду ўлоньня твайго пасаджу на троне тваім.2Цар 7:12; 3Цар 8:25; 2Пар 6:16; Пс 88:5; Лк 1:55; Дзеі 2:30
Калі сыны твае будуць шанаваць запавет Мой і Мае сьведчаньні, якім Я іх навучу: дык і іхнія сыны вечна сядзецьмуць на троне тваім».
Бо выбраў Гасподзь Сіён; пажадаў яго жытлом Сабе.3Цар 9:3
«Гэта - спакой Мой навечна; тут пасялюся, бо Я пажадаў яго.3Цар 8:13
Ежу ягоную дабраслаўляючы дабраслаўлю, убогіх ягоных накармлю хлебам;Пс 36:19; Пс 110:5
сьвятароў ягоных апрану ў выратаваньне, і сьвятыя ягоныя радасьцю ўзрадуюцца.
Там згадую рог Давіду, пастаўлю сьветач памазанцу Майму.1Цар 2:10; Мал 3:1; Лк 1:69
Ворагаў ягоных апрану ў сорам; а на ім будзе зьзяць вянок ягоны».Пс 34:26