Пс Псалтыр, псалом Псалтыр, псалом 139
Кіроўцу хору. Псальма Давідава.
Збаві мяне, Госпадзе, ад чалавека ліхога; ахавай мяне ад прыгнятальніка:
яны ліхое думаюць у сэрцы, кожны дзень на бойку ладзяцца,
яны востраць свой язык, як зьмей, яд асьпіда пад вуснамі іхнімі.Пс 5:10; Пс 57:5; Рым 3:13
Упільнуй мяне, Госпадзе, ад рук бязбожнага, ахавай мяне ад прыгнятальнікаў, якія намысьлілі пахіснуць ногі мае.2Цар 22:3
Гардзеі паставілі на мяне пасткі і петлі, раскінулі сетку на дарозе, цянёты раскінулі на мяне.Пс 63:6; Пс 141:4; Ер 18:22
Я сказаў Госпаду: Ты - Бог мой; пачуй, Госпадзе, голас маленьняў маіх!
Госпадзе, Госпадзе, сіла ратунку майго! Ты пакрыў галаву маю ў дзень бою.
Ня дай, Госпадзе, жаданага бязбожніку; ня дай посьпеху ліхому намыслу яго; яны заганарацца.Дрз 32:27
Хай пакрые галовы тых, што мяне абступілі, ліха ад іхніх жа вуснаў.Пс 7:15
Хай ападзе на іх распалены жар; хай будуць укінуты ў вагонь, у прорвы, каб і ня ўсталі.Пс 10:6
Чалавек злоязыкі хай ня ўмацуецца на зямлі; а ліха няхай прыгнятальніка ў пропадзь зьвядзе.
Ведаю, што Гасподзь ўчыніць суд над прыгнятальнікамі і справядлівасьць бедным.Пс 9:19
Так! праведныя ўславяць імя Тваё: беззаганныя будуць жыць прад абліччам Тваім.