Psa Mga Salmo, salmo Ang Libro sa Mga Salmo, salmo 61
Ang awit alang sa maestro sa mga mag-aawit. Gamita ang mga instrumento nga adunay mga kuwerdas. Ang awit ni David.
Pamatia ang akong pagpakitabang, O Dios!
Pamatia ang akong pag-ampo.Psa 5:1; Psa 54:2
Gikan dinhi sa layong dapit,
nanawag ako kanimo tungod kay nawad-an na ako ug paglaom.
Dad-a ako sa dapit diin luwas ako sa kakuyaw,61:2 sa dapit diin luwas ako sa kakuyaw: sa literal, sa bato nga mas taas pa kanako.Psa 18:6; Isa 33:16
kay ikaw mao ang nagpanalipod kanako.
Sama ikaw sa usa ka lig-ong paril nga nagpanalipod sa siyudad
batok sa mga kaaway.Psa 71:3
Papuy-a ako sa imong balaang puloy-anan hangtod sa kahangtoran
ug panalipdi ako sama sa pagpanalipod sa langgam sa iyang mga piso
ilalom sa iyang mga pako.Psa 36:7
Kay nadungog mo, O Dios, ang akong mga saad kanimo
ug gihatagan mo ako sa mga gasa nga gihatag mo sa mga nagtahod kanimo.
Dungagi pa ang kinabuhi sa hari
ug paharia siya hangtod sa kahangtoran pinaagi sa iyang mga kaliwat.Psa 21:4
Hinaut pa nga maghari siya
hangtod sa kahangtoran nga inubanan mo, O Dios.
Panalipdi siya sa imong gugma
ug pagkamatinumanon.2Sa 7:12
Unya mag-awit ako kanunay ug mga pagdayeg kanimo.
Ug tumanon ko kanunay ang akong saad kanimo.Psa 50:14