Psalmen 9 in verschiedenen Übersetzungen
Пераклад Сёмухі
9:1
Сёмуха
Кіроўцу хору. Пасьля сьмерці Лабэна. Псальма Давідава.
9:2
Сёмуха
Славіць буду Цябе, Госпадзе, усім сэрцам маім, абвяшчаць пра ўсе цуды Твае,
9:3
Сёмуха
я буду радавацца, весяліцца, імя Тваё апяваць, Усявышні.
9:4
Сёмуха
Як павернуць назад мае ворагі, - спатыкнуцца й загінуць прад абліччам Тваім,
9:5
Сёмуха
бо Ты вёў мой суд і маю цяжбіну; Ты сеў на троне, Судзьдзя справядлівы.
9:6
Сёмуха
Ты абурыўся на народы, бязбожнага зьнішчыў, сьцёр іх імёны навечна.
9:7
Сёмуха
У ворага зброі ня стала зусім, і гарады Ты разбурыў; загінула зь імі памяць пра іх.
9:8
Сёмуха
А Гасподзь жыве вечна; Ён трон Свой на суд падрыхтаваў,
9:9
Сёмуха
і Ён будзе судзіць сьвет па праўдзе, па справядлівасьці суд над народамі ўчыніць.
9:10
Сёмуха
І будзе Гасподзь прытулкам прыгнечанаму, прытулкам у скрушлівы час;
9:11
Сёмуха
І спадзявацьмуцца на Цябе тыя, што ведаюць імя Тваё, бо Ты не пакідаеш тых, што шукаюць Цябе, Госпадзе.
9:12
Сёмуха
Сьпявайце Госпаду, Які жыве на Сіёне, абвяшчайце ў народах дзеі Ягоныя,
9:13
Сёмуха
бо Ён спаганяе за кроў; памятае іх, не забывае енку прыгнечаных.
9:14
Сёмуха
Умілажалься зь мяне, Госпадзе; глянь на цярпеньні мае ад ненавісьнікаў маіх, - Ты, Які ўзносіш мяне над брамаю сьмерці,
9:15
Сёмуха
каб я абвяшчаў усю славу Тваю ў браме дачкі Сіёна: буду радавацца з майго ратаваньня Табою.
9:16
Сёмуха
Народы пападалі ў яму, якую выкапалі; у сетку, якую схавалі яны, ублыталі ногі свае.
9:17
Сёмуха
Гасподзь быў спазнаны праз суд, які Ён учыніў; бязбожнік злоўлены дзеямі рук сваіх.
9:18
Сёмуха
Хай шыбуюць бязбожнікі ў пекла, - усе народы, што забываюць Бога,
9:19
Сёмуха
бо не назаўсёды забудзецца ўбогі, і надзея ўбогіх не назаўсёды загіне.
9:20
Сёмуха
Паўстань, Госпадзе, хай чалавек не адужае, хай народы судзяцца прад абліччам Тваім.
9:21
Сёмуха
Навядзі, Госпадзе, страху на іх; хай знаюць народы, што людзі яны.
9:22
Сёмуха
Навошта, Госпадзе, зводдаль стаіш, хаваеш Сябе ў часе скрухі?
9:23
Сёмуха
Бязбожны з пагарды сваёй перасьледуе беднага; хай схоплены будуць яны хітрынамі, якія намысьлілі самі.
9:24
Сёмуха
Бязбожны бо хваліцца пажадай душы сваёй; а карысьлівец сам сабе дагаджае.
9:25
Сёмуха
Пыхліва бязбожнік пагарджае Богам; «не спагоніць»; ва ўсіх думках ягоных: няма Бога!
9:26
Сёмуха
У кожным часе шляхі ягоныя згубныя; суды Твае далёкія ад яго; на ўсіх ворагаў сваіх ён глядзіць грэбліва;
9:27
Сёмуха
і кажа ў сэрцы сваім: «не пахіснуся; і ніколі мяне не спадобіць ліха».
9:28
Сёмуха
Вусны ягоныя поўныя праклёну, хітрасьці, крыўды; пад языком у яго пакуты і згуба.
9:29
Сёмуха
Сядзіць у засадзе ў задвор'і, у патайных мясьцінах забівае невінаватага; вочы ягоныя цікуюць за бедным;
9:30
Сёмуха
у патайнай мясьціне пільнуе, нібы ў логвішчы леў; пільнуе ў засадзе, каб схапіць беднага; хапае беднага, цягне ў сеткі свае,
9:31
Сёмуха
згінаецца, прыпадае, - і бедныя падаюць у моцныя кіпці ягоныя;
9:32
Сёмуха
кажа ў сэрцы сваім: «забыў Бог, засланіў Свой твар, ня ўбачыць ніколі».
9:33
Сёмуха
Паўстань, Госпадзе Божа, падай руку Тваю, не забудзь прыгнечаных.
9:34
Сёмуха
Навошта бязбожнік грэбуе Богам, кажучы ў сэрцы сваім: «Ты не спагоніш?»
9:35
Сёмуха
Ты бачыш; бо Ты глядзіш на крыўды і ўціскі, каб аддаць Тваёю рукою. Табе аддае сябе бедны; сіраце Ты памочнік.
9:36
Сёмуха
Зламай мышцу бязбожнаму і ліхому, каб шукаць і не знайсьці ягонага грэху.
9:37
Сёмуха
Гасподзь - цар навечна, назаўсёды; зьнікнуць язычнікі зь зямлі Ягонай.
9:38
Сёмуха
Госпадзе! Ты чуеш жаданьні лагодных, умацуй сэрца ім; адкрый вуха Тваё,
9:39
Сёмуха
каб даць суд сіраце і прыгнечанаму, хай не палохае больш чалавек на зямлі.