Psa Mga Salmo, salmo Ang Libro sa Mga Salmo, salmo 142
Ang “Maskil” ni David sa dihang didto siya sa langub. Usa kini ka pag-ampo.
Nagpakitabang ako kanimo, Ginoo.
Nag-ampo ako nga kaloy-an mo.1Sa 24:3
Gisulti ko kanimo ang akong mga reklamo ug mga kalisdanan.Psa 102:0
Kon mawad-an ako ug paglaom,
anaa ikaw nga mogiya kanako.
Sa akong agianan adunay lit-ag nga gibutang
ang akong mga kaaway.Psa 140:5; Jer 18:22
Tan-awa ang akong palibot, wala gayoy nagtabang kanako.
Walay gapanalipod ug nabalaka kanako.Pro 29:10
Nagpakitabang ako kanimo, Ginoo;
ikaw ang akong tigpanalipod,
ikaw lang gayod ang akong kinahanglan dinhi sa kalibotan.Psa 16:5; Psa 27:13; Psa 91:2
Pamatia ang akong pagpangayo ug tabang,
kay wala na gayod akoy mahimo.
Luwasa ako sa mga tawong naglutos kanako,
kay mas kusgan sila kay kanako.
Pagawasa ako gikan sa pagkabilanggo
aron madayeg ka nako.
Unya mag-alirong kanako ang mga matarong
tungod kay maayo ka kanako.Psa 143:11