Пс Псалтыр, псалом Псалтыр, псалом 101
Малітва спрагненага, калі ён смуткуе і вылівае прад Госпадам скруху сваю.
Госпадзе! пачуй малітву маю, і енк мой хай дойдзе да Цябе.Пс 142:1
Не хавай аблічча Твайго ад мяне; у дзень смутку майго прыхілі да мяне вуха Тваё; у дзень, калі паклічу Цябе, адразу пачуй мяне.Пс 12:2; Пс 43:25
Бо зьніклі, як дым, дні мае, і косткі мае абпаленыя, як галавешка;Выс 17:22
сэрца маё ўражанае, і высахла, як трава, аж я забываюся есьці мой хлеб;Пс 108:22
ад голасу стогну майго косткі мае прысталі да плоці маёй.
Я стаў падобны да пелікана ў пустыні; я зрабіўся як сыч у руінах;Дрз 14:17
ня сплю і сяджу, як адзінокая птушка на даху.
Кожны дзень клянуць мяне ворагі мае, і неабольнікі мае ганяць мяне.
Я попел ем замест хлеба, і пітво маё разбаўляю сьлязьмі,Ёў 3:24
ад гневу Твайго і абурэньня Твайго; бо Ты ўзвысіў мяне і скінуў мяне.
Дні мае быццам цень, які ўхіляецца; і я высах, быццам трава.Ёў 8:9; Ёў 14:1
Ты ж, Госпадзе, вечна жывеш, і памяць пра Цябе з роду ў род.
Ты паўстанеш, умілажалішся з Сіёна? бо час літаваць яго, бо прысьпеў час;Пс 50:20; Ер 29:10
бо рабы Твае палюбілі і каменьне ягонае, і попел ягоны шкадуюць.
І збаяцца народы імя Гасподняга, і ўсе цары зямныя - славы Тваёй.
Бо збудуе Гасподзь Сіён, і зьявіцца ў славе Сваёй;Іс 14:32
паглядзіць на малітву бездапаможных, і не пагардзіць малітваю іхняй.
Пра гэта напісана будзе роду наступнаму, і пакаленьне наступнае ўславіць Госпада,
бо Ён прынік са святой гары Сваёй; зь нябёсаў глянуў Гасподзь на зямлю,
каб пачуць стогны вязьняў, раскаваць сыноў сьмерці,Пс 78:11
каб абвяшчалі на Сіёне імя Гасподняе, і славу Яму - у Ерусаліме,Іс 62:6
калі зьбяруцца народы разам і царствы служыць Госпаду.Зах 8:21
Стаміў Ён на шляху сілу маю, скараціў дні мае.Пс 88:46
Я сказаў: Божа мой! не забяры мяне на палавіне дзён маіх. Твае гады ў роды родаў.Ёў 21:21
На пачатку Ты, Госпадзе, заснаваў зямлю, і нябёсы - дзея рук Тваіх;Габр 1:10
яны загінуць, а Ты застанешся; і ўсе яны, як рыза, спарахнеюць, і, як адзеньне, Ты пераменіш іх, - і зьменяцца;Іс 51:6; Мц 24:35
але Ты - той самы, і гады Твае ня скончацца.Ёў 36:26; Пс 80:3; Мал 3:6
Сыны рабоў Тваіх будуць жыць, і семя іхняе ўмацуецца прад абліччам Тваім.