Пс Псалтыр, псалом Псалтыр, псалом 82
Песьня. Псальма Асафава.
Божа! Не перамоўчы, не маўчы, і не заставайся спакойны, Божа!Пс 108:1
Бо вось, ворагі Твае зашумелі, і ненавісьнікі Твае паднялі галаву:
супроць народу Твайго склалі падступную змову, і раяцца супроць тых, каго Ты ахоўваеш;Мц 26:4
сказалі: «пойдзем і вынішчым іх з народаў, каб і ня згадвалася болей імя Ізраіля».Ер 11:19; Дзеі 14:5
Змовіліся аднадушна, склалі супроць Цябе хаўрус:
селішчы Эдомавыя і Ізмаільцяне, Мааў і Агаране,
Гевал і Амон і Амалік, Філістымляне з жыхарамі Тыра;Езк 27:9
і Асур прыстаў да іх; яны сталі сілаю ўсім сынам Лотавым.Быц 19:37
Зрабі ім тое самае, што Мадыяму, што Сісару, што Явіну каля патока Кісона,Суд 4:15
якія вынішчаны ў Аэндоры, зрабіліся гноем зямлі.
Зрабі зь імі, з уладарамі іхнімі, як з Орывам і Зівам, і з усімі правадырамі іхнімі, як зь Зэвэем і Салманам,Суд 7:25; Суд 8:12; Суд 8:21
якія казалі: «возьмем сабе на валоданьне селішчы Божыя».
Божа мой! хай будуць яны, як пыл у віхуры, як на вятры салома.Іс 17:13; Пс 1:4
Як вагонь выпальвае лес, і як полымя апальвае горы,
так гані іх бураю Тваёю, і настрашы іх бураю Тваёю,
напоўні аблічча іхняе сорамам, каб шукалі яны імя Тваё, Госпадзе!Пс 69:3
Хай пасаромяцца і настрашаны будуць навечна, хай брыдка ім будзе і хай загінуць,
і няхай яны ведаюць, што Ты, Каму адзінаму імя - Гасподзь, Усявышні над усёю зямлёю.Вых 14:4; Вых 15:3