Пс Псалтыр, псалом Псалтыр, псалом 49
Кіраўніку хору. Сыноў Караха. Псальм.
Чуйце гэта, усе народы! Прыхіліце вуха, усе жыхары веку гэтага!
Як сыны паспалітыя, так і сыны знакамітыя, разам багатыя і бедныя.
Вусны мае кажуць мудрасьць, і думкі сэрца майго разважлівыя.
Прыхілю да прыповесьці вуха маё, выяўлю пры [гуках] гусьляў загадку маю.Пс 78:2; Мц 13:35
Навошта мне баяцца ў дні няшчасьця, калі атачыла мяне беззаконьне тых, якія нападаюць на мяне,
якія спадзяюцца на сілу сваю і мноствам багацьця свайго хваляцца?Ёў 36:18; Пс 52:9; Выс 11:4
Ніхто выбавіць брата ня можа і даць за яго выкуп Богу,1Ян 3:16
бо вельмі дарагая цана за душу ягоную, і зрачыся гэтага [мусіць] на вякі,Мц 16:26; Мк 8:37; 1Пётр 1:19
каб ён жыў заўсёды і ня ўбачыў парахненьня.
Бо [кожны] бачыць: мудрыя паміраюць, дурны і шалёны разам прападаюць, і пакідаюць іншым багацьце сваё.Выс 11:4; Экл 2:16; Экл 6:2
Думкі іхнія пра тое, што дамы іхнія на вякі, сялібы іхнія — з пакаленьня ў пакаленьне, і яны сваім імем назвалі [цэлыя] землі.
Але чалавек у славе [доўга] трываць ня будзе, ён падобны да скаціны, якая гіне.Экл 3:19
Гэткі шлях іхні, тых, якія спадзяюцца на сябе, і тых, якім [словы] вуснаў іхніх даспадобы. (Сэлях)
Як авечкі, у пекла яны зыйдуць, сьмерць пасьвіць іх будзе, і раніцаю правыя будуць мець уладу над імі, сіла іхняя ссохне, пекла — жытло іхняе.Іс 14:11; Адкр 2:27
Але Бог выбавіць душу маю з рукі пекла, бо Сам возьме мяне. (Сэлях)Пс 16:10
Ня бойся, калі хто багацее, калі множыцца слава дому ягонага,
бо, калі памрэ, нічога ня возьме з сабою, і слава ягоная ня пойдзе за ім.Ёў 27:18
Хоць бы за жыцьця свайго душу сваю ён дабраслаўляў, і хвалілі яго, калі добра рабіў для сябе,Дрз 29:18
ён пойдзе за пакаленьнем бацькоў сваіх, што ня ўбачаць ніколі сьвятла.
Чалавек у славе і без разуменьня падобны да скаціны, якая гіне.Экл 3:19; Лк 12:20