Пс Псалтыр, псалом Псалтыр, псалом 16
Малітва Давідава.
Пачуй, Госпадзе, праўду маю, уважы скарзе маёй, прымі мальбу з вуснаў неманлівых!Пс 4:2
Ад аблічча Твайго хай будзе мне суд; хай паглядзяць вочы Твае на справядлівасьць.
Ты праверыў сэрца маё, ноччу мяне наведаў, выпрабаваў мяне, і не знайшоў анічога; ад думак маіх не адступаюцца вусны мае.Пс 7:10; Пс 65:10; Ер 11:20
У дзеях людзскіх, па слове вуснаў Тваіх, я ахоўваў сябе ад шляхоў прыгнятальніка.
Умацуй мае крокі на дарогах Сваіх, хай ногі мае не пахіснуцца.1Цар 2:9
Да Цябе заклікаю, бо Ты пачуеш мяне, Божа; прыхілі Тваё вуха да мяне, пачуй словы мае.
Пакажы Тваю літасьць дзівосную; Ратаўнік тых, што на Цябе спадзяюцца, ад тых, што супрацівяцца правіцы Тваёй;
ахавай мяне, як вока; у цяні Тваіх крылаў аслані мянеДрз 32:10; Зах 2:8; Рут 2:12
ад бязбожных, што на мяне нападаюць, - ад ворагаў душы маёй, што абступілі мяне:
яны замкнуліся ў тлушчы сваім, пагардліва гавораць вуснамі сваімі.Ёў 15:27
На кожным кроку нашым цяпер абступаюць нас; напружылі вочы свае, каб скінуць мяне на зямлю;
яны падобныя на ільва, што прагне здабычы, падобныя на ільвяня, што сядзіць у схованцы.
Паўстань, Госпадзе, папярэдзь іх, скінь іх. Выбаві душу маю ад бязбожнага мечам Тваім,
ад людзей - рукою Тваёю, Госпадзе, ад людзей сьвету, чыя доля, у гэтым жыцьці, чыё чэрава Ты напаўняеш са скарбонак Тваіх; сыны іхнія сытыя, і рэшту пакінуць дзецям сваім.
А я ў праўдзе буду глядзець на аблічча Тваё; прачнуўшыся, буду насычацца вобразам Тваім.Мц 5:8; 1Ян 3:20; 1Кар 13:10