Пс Псалтыр, псалом Псалтыр, псалом 94
Пахвальная песьня Давідава.
Прыйдзеце, засьпяваем Госпаду, усклікнем Богу, цьвярдыні ратунку нашага;Дрз 32:3
станьма прад абліччам Ягоным з хвалою, у песьнях усклікнем Яму,
бо Гасподзь ёсьць Бог вялікі і Цар над усімі багамі.1Пар 16:25
У руцэ Ягонай глыбіні зямлі, і вяршыні гор - Ягоныя;Пс 49:10
Ягонае - мора, і Ён стварыў яго, і сушу стварылі рукі Ягоныя.
Прыйдзеце, паклонімся і прыпадзем, укленчым прад абліччам Госпада, Творцы нашага,Пс 17:7; Пс 131:7
бо Ён ёсьць Бог наш, і мы - людзі паствы Ягонай і авечкі рукі Ягонай. О, калі б вы сёньня паслухалі голасу Яго:Габр 3:7; Габр 4:7
«ня ўпускайце жорсткасьць у сэрца вашае, як у Мэрыве, як у дзень спакушэньня ў пустыні,
дзе спакушалі Мяне бацькі вашыя, выпрабоўвалі Мяне, і бачылі дзею Маю.Вых 17:2; Вых 17:7
Сорак гадоў раздражняў Мяне род гэты, Я сказаў: гэта народ, які заблудзіўся сэрцам; яны не спазналі дарог Маіх;Лік 14:34
і таму прысягнуў Я ў гневе Маім, што яны ня ўвойдуць у Мой спакой».Габр 4:3