Выс Выслоўі, раздзел Кніга выслоўяў Саламонавых, раздзел 15
Лагодны адказ злагоджвае гнеў, а слова абразьлівае будзіць лютасьць.1Цар 25:24; 1Цар 25:35; Выс 15:28
Язык мудрых нясе добрыя веды; а вусны неразумных вырыгаюць глупства.Выс 12:23
Усюды вочы Гасподнія: яны бачаць ліхіх і добрых.Пс 32:14; Габр 4:13
Лагодны язык - дрэва жыцьця, а неўтаймаваны - хвароба духу.Выс 3:18; Выс 11:30; Выс 12:18
Неразумны пагарджае настаўленьнем бацькі свайго; а хто слухае засьцярогу, той у добрым розуме.
У доме ў праведніка - мноства скарбаў, а ў прыбытку ў бязбожнага - разлад.Пс 111:3; Ёў 20:22
Вусны мудрых пашыраюць веды, а сэрца немысьляў - не.
Ахвяра бязбожных - агідная Госпаду, а малітва праведных Яму даспадобы.Выс 21:27; Іс 1:11; Ер 6:20; Ам 5:21
Агіда Госпаду - шях бязбожнага, а таго, хто ідзе шляхам праўды, Ён любіць.Пс 5:7
Ліхая кара таму, хто скрывіць дарогу, і той, хто ненавідзіць засьцярогу, загіне.
Апраметная і Авадон адчынены перад Госпадам, тым болей сэрцы сыноў чалавечых.Ёў 26:6; Пс 7:10
Ня любіць распусьнік тых, што засьцерагаюць яго, і да мудрых ня пойдзе.
Вясёлае сэрца разьвесяляе твар, а пры сардэчным смутку дух маркоціцца.Выс 17:22
Сэрца разумнага шукае ведаў, а вусны немысьляў кормяцца дурасьцю.
Усе дні ў няшчаснага смутныя; а ў каго сэрца вясёлае, таму заўсёды сьвята.Экл 3:12
Лепей мець мала ў страху Гасподнім, чым вялікі скарб, і зь ім трывогу.Пс 36:16
Лепей міска гародніны і зь ёю любоў, чым укормлены бык і зь ім нянавісьць.Выс 17:1
Запальчывы чалавек абуджае разлад, а цярплівы суцішае свару.Выс 26:21
Дарога ў гультая - як цярновы пляцень, а дарога ў праведных гладкая.1Ян 2:10
Мудры сын радуе бацьку, а неразумны чалавек пагарджае маці сваёю.Выс 10:1; Выс 17:25; Выс 19:13; Выс 19:26
Дурнота - радасьць недавумку, а чалавек разумны ідзе простаю дарогаю.
Бяз рады задумы разладзяцца, а пры мностве радцаў яны спраўдзяцца.Выс 11:14; Выс 20:18
Радасьць чалавеку ў адказе вуснаў ягоных, і як хораша слова ў свой час!
Дарога жыцьця ў мудрага ўгору, каб ухіліцца ад апраметнай унізе.
Дом пыхлівых зруйнуе Гасподзь, а мяжу ўдавы ўмацуе.Эст 7:9; Выс 2:22; Выс 12:7
Агіда Госпаду - намыслы ліхадзеяў, а словы беззаганных падабаюцца Яму.
Карысьлівец разладзіць свой дом, а хто ненавідзіць хабар, будзе жыць.1Цім 6:9; Вых 23:8
Сэрца праведнага абдумвае адказ, а вусны бязбожных вырыгаюць благое.
Далёка Гасподзь ад бязбожных, а малітву праведных чуе.Пс 10:5; Іс 1:15; Як 5:16
Прымружвае вочы свае, каб прыдумаць хітрыну; закусваючы сабе губы, учыняе зладзейства,
Вуха, уважлівае да навукі жыцьця, будзе жыць сярод мудрых.
Хто ня прымае настаўленьня, ня дбае пра душу сваю; а хто слухае засьцярогу, той набывае розум.
Страх Гасподні вучыць мудрасьці, і славе папярэднічае пакора.