Psa Mga Salmo, salmo Ang Libro sa Mga Salmo, salmo 149
Dayega ang Ginoo!
Pag-awit kamo ug bag-ong awit sa Ginoo.
Dayega siya diha sa panagtigom
sa iyang matinumanong katawhan.Psa 33:3
Paglipay kamong mga taga-Israel tungod sa inyong Magbubuhat.
Pagsadya kamong mga katawhan sa Zion149:2 Zion: mao usab ang Jerusalem. tungod sa inyong Hari.Psa 93:1; Mic 2:13
Dayega siya pinaagi sa pagsayaw;
ug pagtukar ug tamborin ug mga harpa sa pagdayeg kaniya.
Kay nalipay ang Ginoo sa iyang katawhan;
gipasidunggan niya ang mga mapainubsanon
pinaagi sa pagpadaog kanila.Psa 147:11
Maglipay ang katawhan nga matinumanon sa Dios tungod sa ilang pagdaog;
mag-awit sila sa kalipay bisan sa ilang mga higdaanan.Psa 42:8
Pasinggita sila sa pagdayeg sa Dios
samtang nagkupot sila sa hait nga mga espada,2Co 10:4
sa pagpanimalos ug pagsilot sa mga katawhan sa mga nasod,Mic 4:3; Mic 5:15
sa pagkadena sa ilang mga hari ug mga pangulo,
sa pagsilot kanila sumala sa gisugo sa Dios.
Kini kadungganan alang sa tanang matinumanong katawhan sa Dios.