Выс Выслоўі, раздзел Кніга выслоўяў Саламонавых, раздзел 19
Лепш бедны, які ходзіць у сваёй нявіннасьці, чым зь ілжывымі вуснамі, і пры гэтым неразумны.Выс 28:6
Нядобра душы бязь ведаў, і хто сьпяшаецца нагамі, спатыкаецца.Выс 6:18
Неразумнасьць чалавека скрыўляе дарогу, а сэрца ягонае гневаецца на Госпада.Як 1:13
Багацьце памнажае сяброў, а беднага пакідае і сябар ягоны.Выс 14:20
Ілжывы сьведка не застаецца без пакараньня, і хто гаворыць няпраўду, не ўратуецца.Дрз 19:19
Многія дагаджаюць заможным; і кожны - сябар чалавеку, які не шкадуе гасьцінцаў.
Беднага ненавідзяць усе браты ягоныя, тым болей прыяцелі ягоныя адпадаюць ад яго; гоніцца за словам парады, а іх і на гэта няма.
Хто набіраецца розуму, той любіць душу сваю; хто пільнуецца разумнасьці, знаходзіць дабро.
Ілжывы сьведка не застаецца без пакараньня; і хто гаворыць няпраўду, загіне.Выс 21:28
Ня прыстоіць неразумнаму раскоша, тым болей рабу панаваньне над князямі.Выс 30:21
Здаровы розум робіць чалавека павольным на гнеў, а слава ягоная - паблажлівым да неразважлівых учынкаў.Выс 14:29
Гнеў цара - як рык ільва, а ласка ягоная - як раса на траву.Эст 7:9; Рым 13:4
Неразумны сын - пагібель бацьку ягонаму, а сварлівая жонка - сьцёкавая рына.Выс 10:1
Дом і маёмасьць - спадчына ад бацькоў, а разумная жонка - ад Госпада.Выс 18:22
Гультайства наганяе дрымоту, і нядбайная душа будзе галадаць.
Захавальнік запаведзі захоўвае душу сваю, а хто ня дбае пра шяхі свае - загіне.Выс 3:21; Лк 11:28
Міласэрны да беднага пазычае Госпаду; і Ён аддасьць яму за дабрачынства ягонае.Пс 40:2; Мц 10:42; Мц 25:40
Карай сына свайго, пакуль ёсьць надзея, і не абурайся крыкам ягоным.Выс 13:24; Выс 23:13
Чалавек вялікага гневу нясе пакараньне; бо, калі пашкадуеш яго, давядзецца табе яшчэ больш караць яго.
Слухайся рады і прымай кару, каб зрабіцца табе пасьля мудрым.
Шмат задумаў у сэрцы ў чалавека, але збудзецца толькі задуманае Госпадам.Ёў 23:13; Выс 16:1
Радасьць чалавеку - дабрачыннасьць ягоная, і бедны чалавек лепшы, чым хлусьлівы.
Страх Гасподні вядзе да жыцьця, і хто мае яго, заўсёды будзе задаволены, і ліха не спасьцігне яго.
Гультай апускае руку сваю ў чару, і ня хоча данесьці яе да вуснаў сваіх.Выс 26:15
Калі ты пакараеш блюзьнера, дык і просты зробіцца разумным; і калі засьцеражэш разумнага, дык ён зразумее настаўленьне.Выс 21:11
Хто бацьку руйнуе і выганяе маці - сын бессаромны і ганебны.Выс 15:20
Перастань, сыне мой, слухаць угаворы ўхіліцца ад голасу розуму.
Падступны сьведка зьдзекуецца з праўды, і вусны бязбожных глытаюць няпраўду.Ёў 15:16
На блюзьнераў гатовыя суды, і ўдары - на цела дурных.