Пс Псалтыр, псалом Псалтыр, псалом 6
Кіроўцу хору. На васьміструнным. Псальма Давідава.
Ня ў ятры Тваёй выкрывай мяне, Госпадзе, і ня ў гневе Тваім карай мяне.Пс 37:2; Ер 10:24
Умілажалься зь мяне, Госпадзе, бо я нямоглы; дай мне гаеньня, Госпадзе, бо косьці мае растрывожаныя,
і душа мая моцна ўстрывожаная; - а Ты, Госпадзе, дакуль?
Павярніся, Госпадзе, душу маю выратуй, уратуй мяне дзеля ласкі Тваёй,
бо ў сьмерці няма пра Цябе памятаньня: у магіле хто Цябе славіць будзе?Пс 29:10
Стаміўся я ад зітханьняў маіх: кожнае ночы я ложак свой абмываю, сьлязьмі маімі пасьцель акрапляю маю.
Высахла ад маркоты вока маё, пастарэла яно праз маіх ворагаў.Ёў 17:7
Адступецеся ад мяне, усе ліхадзеі, бо пачуў Гасподзь голас плачу майго,Пс 118:115; Мц 7:23
пачуў Гасподзь маленьне маё; Гасподзь прыме малітву маю,
хай усе мае ворагі пасаромлены і моцна настрашыны будуць; хай вернуцца - і пасаромеюцца імгненна.Пс 34:4