Рым Рымлянам, раздзел Пасланне да Рымлян, раздзел 2
Вось таму няма апраўданьня табе, кожны чалавеча, што судзіш другога; бо тым самым судом, якім судзіш другога, асуджаеш сам сябе; бо, асуджаючы другога, робіш тое самае.2Цар 12:5; Мц 7:1; Лк 6:37; 1Кар 4:5
А мы ведаем, што паводле ісьціны ёсьць суд Божы на тых, што такое чыняць.
Няўжо думаеш ты, чалавеча, што ўнікаеш суду Божага, калі асуджаеш тых, якія ўчыняюць такое, і сам робячы тое самае?
Альбо пагарджаеш багацьцем даброці, лагоднасьці і вялікай цярплівасьці Божай, не разумеючы, што даброць Божая вядзе цябе да пакаяньня?Іс 30:18; Ер 3:12; 2Пётр 3:15
Але, з упартасьці тваёй і нераскаянага сэрца ты сам сабе зьбіраеш гнеў на дзень гневу і абвяшчэньня праведнага суду ад Бога,Як 5:3
Які кожнаму аддасьць паводле дзеяў ягоных:Выс 24:12; Мц 16:27
тым, якія ўвесь час ў добрых дзеях шукаюць славы, гонару і бесьсьмяротнасьці, - жыцьцё вечнае;Мц 25:46
а тым, якія ўпарцяцца і супрацівяцца ісьціне, ды аддаюцца няпраўдзе, - лютасьць і гнеў.Ер 23:19; Габр 10:27
Смутак і скруха ўсякай душы чалавека, які чыніць ліхое: першаму Юдэю, потым і Эліну!
Наадварот жа, слава і гонар і мір кожнаму, хто робіць добрае: першаму Юдэю, потым і Эліну!
Бо няма прывабы да асобы ў Бога.Дрз 10:17; 2Пар 19:7
Тыя, што без закона зграшылі, без закона і загінуць; а тыя, якія ў законе зграшылі, паводле закона прымуць суд,Лк 12:47
бо не слухачы закона праведныя перад Богам, а выканаўцы закона апраўданы будуць;Мц 7:21; Як 1:22
бо, калі язычнікі, ня маючы закона, ад прыроды законнае робяць, дык, ня маючы закона, яны самі сабе закон:
яны паказваюць, што дзеі закона ў іх напісаны ў сэрцах, пра што сьведчыць сумленьне іхняе і думкі іхнія, якія то вінавацяць, то апраўдваюць адна адну,
у дзень, калі паводле зьвеставаньня майго, Бог будзе судзіць таемныя дзеі людзей празь Ісуса Хрыста.Экл 12:14; Мц 25:31; Ян 5:22; Дзеі 10:42; 1Кар 4:5
Вось, ты называешся Юдэем, і супакойваеш сябе законам, і хвалішся Богам,Міх 3:11
і ведаеш волю Ягоную, і разумееш лепшае, навучаючыся з закона,
і ўпэўнены пра сябе, што ты павадыр сьляпым, сьвятло тым, што ходзяць у цемры, -Іс 42:19; Мц 15:14
выхавальнік неразумным, настаўнік дзецям, які мае ўзор розуму і ісьціны ў законе:
як жа ты, навучаючы другога, ня вучыш сябе самога?Пс 49:16; Пс 49:21
Прапаведуючы ня красьці, крадзеш? кажучы: не распусьнічай, распусьнічаеш? грэбуючы ідаламі, рабуеш сьвятыні?
хвалішся законам, а, пераступаючы закон, зьневажаеш Бога?
бо дзеля вас, як напісана, імя Божае ганьбуецца ў язычнікаў.Іс 52:5; Езк 36:20
Абразаньне карыснае, калі выконваеш закон; а калі ты пераступаеш закон, дык абразаньне тваё сталася неабразаньнем.Ляв 26:41; Ер 4:4; 1Кар 7:19; Гал 6:15
Дык вось, калі неабразанец выконвае пастановы закона, дык ягонае неабразаньне ці не залічыцца яму за абразаньне?Дзеі 10:35
І неабрэзаны ад прыроды, які выконвае закон, ці не асудзіць цябе, пераступніка закона зь Пісаньнем і абразаньнем?Мц 12:41
Бо ня той Юдэй, хто такі з выгляду, і ня тое абразаньне, якое вонкавае, на плоці;Рым 9:6; Рым 9:8
а той Юдэй, хто ўнутрана такі, і тое абразаньне, якое ў сэрцы паводле Духа, а не паводле літары: яму і пахвала не ад людзей, а ад Бога.Дрз 30:6; Рым 4:12; Кал 2:11