Sálmarnir 21 í mismunandi þýðingum
Елизаветинская (церковнославянский)
21:1
ЦСЛ
Въ коне́цъ, ѡ҆ застꙋпле́нїи ѹ҆́треннѣмъ, ѱало́мъ дв҃дꙋ
21:2
ЦСЛ
Бж҃е, бж҃е мо́й, вонми́ ми, вскꙋ́ю ѡ҆ ста́вилъ мѧ̀ є҆сѝ; дале́че ѿ сп҃се́нїѧ моегѡ̀ словеса̀ грѣхопаде́нїй мои́хъ.
21:3
ЦСЛ
Бж҃е мо́й, воззовꙋ̀ во днѝ, и҆ не ѹ҆слы́шиши, и҆ въ нощѝ, и҆ не въ безꙋ́мїе мнѣ̀.
21:4
ЦСЛ
Ты́ же во ст҃ѣ́мъ живе́ши, хвало̀ і҆и҃лева.
21:5
ЦСЛ
На тѧ̀ ѹ҆пова́ша ѻ҆тцы̀ на́ши: ѹ҆пова́ша, и҆ и҆зба́вилъ є҆сѝ ѧ҆̀:
21:6
ЦСЛ
Къ тебѣ̀ воззва́ша, и҆ спасо́шасѧ: на тѧ̀ ѹ҆пова́ша, и҆ не постыдѣ́шасѧ.
21:7
ЦСЛ
А҆́зъ же є҆́смь че́рвь, а҆ не человѣ́къ, поноше́нїе человѣ́кѡвъ и҆ ѹ҆ничиже́нїе люде́й.
21:8
ЦСЛ
Всѝ ви́дѧщїи мѧ̀ порꙋга́шамисѧ, глаго́лаша ѹ҆стна́ми, покива́ша главо́ю:
21:9
ЦСЛ
Ѹ҆пова̀ на гдⷭ҇а, да и҆зба́витъ є҆го̀, да сп҃се́тъ є҆го̀, ꙗ҆́кѡ хо́щетъ є҆го̀.
21:10
ЦСЛ
Ꙗ҆́кѡ ты̀ є҆сѝ и҆сто́ргїй мѧ̀ и҆з̾ чре́ва, ѹ҆пова́нїе моѐ ѿ сѡсцꙋ̀ ма́тере моеѧ̀.
21:11
ЦСЛ
Къ тебѣ̀ приве́рженъ є҆́смь ѿ ложе́снъ, ѿ чре́ва ма́тере моеѧ̀ бг҃ъ мо́й є҆сѝ ты̀.
21:12
ЦСЛ
Да не ѿстꙋ́пиши ѿ менѐ, ꙗ҆́кѡ ско́рбь бли́з̾, ꙗ҆́кѡ нѣ́сть помога́ѧй мѝ.
21:13
ЦСЛ
Ѡ҆ быдо́ша мѧ̀ тельцы̀ мно́зи, ю҆нцы̀ тꙋ́чнїи ѡ҆ держа́ша мѧ̀:
21:14
ЦСЛ
Ѿверзо́ша на мѧ̀ ѹ҆ста̀ своѧ̑, ꙗ҆́кѡ ле́въ восхища́ѧй и҆ рыка́ѧй.
21:15
ЦСЛ
Ꙗ҆́кѡ вода̀ и҆злїѧ́хсѧ, и҆ разсы́пашасѧ всѧ̑ кѡ́сти моѧ̑: бы́сть се́рдце моѐ ꙗ҆́кѡ во́скъ та́ѧй посредѣ̀ чре́ва моегѡ̀.
21:16
ЦСЛ
И҆́зсше ꙗ҆́кѡ скꙋде́ль крѣ́пость моѧ̀, и҆ ѧ҆зы́къ мо́й прильпѐ горта́ни моемꙋ̀, и҆ въ пе́рсть сме́рти све́лъ мѧ̀ є҆сѝ.
21:17
ЦСЛ
Ꙗ҆́кѡ ѡ҆ быдо́ша мѧ̀ псѝ мно́зи, со́нмъ лꙋка́выхъ ѡ҆ держа́ша мѧ̀: и҆скопа́ша рꙋ́цѣ моѝ и҆ но́зѣ моѝ.
21:18
ЦСЛ
И҆счето́ша всѧ̑ кѡ́сти моѧ̑: ті́и же смотри́ша и҆ презрѣ́ша мѧ̀.
21:19
ЦСЛ
Раздѣли́ша ри̑зы моѧ̑ себѣ̀, и҆ ѡ҆ ѻ҆де́жди мое́й мета́ша жре́бїй.
21:20
ЦСЛ
Ты́ же, гдⷭ҇и, не ѹ҆далѝ по́мощь твою̀ ѿ менѐ: на застꙋпле́нїе моѐ вонмѝ.
21:21
ЦСЛ
И҆зба́ви ѿ ѻ҆рꙋ́жїѧ дꙋ́шꙋ мою̀, и҆ и҆з̾ рꙋкѝ пе́сїи є҆диноро́днꙋю мою̀.
21:22
ЦСЛ
Сп҃си́ мѧ ѿ ѹ҆́стъ льво́выхъ, и҆ ѿ рѡ́гъ є҆динорѡ́жъ смире́нїе моѐ.
21:23
ЦСЛ
Повѣ́мъ и҆́мѧ твоѐ бра́тїи мое́й, посредѣ̀ цр҃кве воспою̀ тѧ̀.
21:24
ЦСЛ
Боѧ́щїисѧ гдⷭ҇а, восхвали́те є҆го̀, всѐ сѣ́мѧ і҆а́кѡвле, просла́вите є҆го̀, да ѹ҆бои́тсѧ же ѿ негѡ̀ всѐ сѣ́мѧ і҆и҃лево:
21:25
ЦСЛ
Ꙗ҆́кѡ не ѹ҆ничижѝ, нижѐ негодова̀ моли́твы ни́щагѡ, нижѐ ѿвратѝ лицѐ своѐ ѿ менѐ, и҆ є҆гда̀ воззва́хъ къ немꙋ̀, ѹ҆слы́ша мѧ̀.
21:26
ЦСЛ
Ѿ тебє̀ похвала̀ моѧ̀, въ цр҃кви вели́цѣй и҆сповѣ́мсѧ тебѣ̀: моли̑твы моѧ̑ возда́мъ пред̾ боѧ́щимисѧ є҆гѡ̀.
21:27
ЦСЛ
Ꙗ҆дѧ́тъ ѹ҆бо́зїи, и҆ насы́тѧтсѧ, и҆ восхва́лѧтъ гдⷭ҇а взыска́ющїи є҆го̀: жива̑ бꙋ́дꙋтъ сердца̀ и҆́хъ въ вѣ́къ вѣ́ка.
21:28
ЦСЛ
Помѧнꙋ́тсѧ и҆ ѡ҆ братѧ́тсѧ ко гдⷭ҇ꙋ всѝ концы̀ землѝ, и҆ покло́нѧтсѧ пред̾ ни́мъ всѧ̑ ѻ҆те́чєствїѧ ꙗ҆зы̑къ:
21:29
ЦСЛ
Ꙗ҆́кѡ гдⷭ҇не є҆́сть црⷭ҇твїе, и҆ то́й ѡ҆ блада́етъ ꙗ҆зы́ки.
21:30
ЦСЛ
Ꙗ҆до́ша и҆ поклони́шасѧ всѝ тꙋ́чнїи землѝ: пред̾ ни́мъ припадꙋ́тъ всѝ низходѧ́щїи въ зе́млю: и҆ дꙋша̀ моѧ̀ томꙋ̀ живе́тъ.
21:31
ЦСЛ
И҆ сѣ́мѧ моѐ порабо́таетъ є҆мꙋ̀: возвѣсти́тъ гдⷭ҇еви ро́дъ грѧдꙋ́щїй:
21:32
ЦСЛ
И҆ возвѣстѧ́тъ пра́вдꙋ є҆гѡ̀ лю́демъ ꙾ро́ждшымсѧ꙾, ꙗ҆̀же сотворѝ гдⷭ҇ь.