Эф Эфесянам, раздзел Пасланне да Эфесян, раздзел 3
Дзеля гэтага вось я, Павал, — вязень Ісуса Хрыста за вас, паганаў.Дзеі 21:33
Як вы чулі пра распарадкаваньне ласкі Божае, дадзенае мне дзеля вас,Дзеі 9:15; Гал 1:16
што паводле адкрыцьця Ён аб’явіў мне таямніцу, (як я коратка напісаў вышэй,Эф 1:9
з чаго, чытаючы, можаце зразумець маё разуменьне таямніцы Хрыстовай),
якая ў іншых пакаленьнях не была вядомая сынам чалавечым, як цяпер адкрыта сьвятым апосталам Ягоным і прарокам праз Духа,1Пётр 1:12
што і пагане ёсьць суспадчыньнікамі, і адным целам, і супольнікамі абяцаньня Ягонага ў Хрысьце праз Эвангельле,Рым 15:12
якога я стаўся служыцелем паводле дару ласкі Божае, дадзенае мне дзеяньнем сілы Яго.Дзеі 9:15
Мне, найменшаму з усіх сьвятых, дадзена ласка гэтая — сярод паганаў дабравесьціць пра недасьледнае багацьце ХрыстоваеРым 15:19; 1Кар 15:9; Гал 1:16
і зрабіць яўным для ўсіх, якое ёсьць распарадкаваньне таямніцы, што схаваная ад вякоў у Богу, Які стварыў усё праз Ісуса Хрыста,1Пётр 1:20; Рым 16:25; 1Кар 2:7; Кал 1:26
каб цяпер праз Царкву сталася вядомаю начальствам і ўладам у нябёсах разнастайная мудрасьць Божая,1Пётр 1:12
паводле адвечнага вызначэньня, якое Ён зрабіў у Хрысьце Ісусе, Госпадзе нашым,
у Якім маем адвагу і доступ з пэўнасьцю праз веру ў Яго.Эф 2:18
Таму прашу вас не журыцца з прычыны прыгнёту майго дзеля вас, бо гэта ёсьць слава вашая.2Цім 2:10
Дзеля гэтага схіляю калені мае перад Айцом Госпада нашага Ісуса Хрыста,
ад Якога мае назоў усякае бацькоўства ў небе і на зямлі,Эф 1:10
каб Ён даў вам, паводле багацьця славы Сваёй, сілай умацавацца праз Духа Ягонага ва ўнутраным чалавеку,Эф 1:7
каб Хрыстос пасяліўся праз веру ў сэрцах вашых,Ян 14:23
каб вы, укараніўшыся і ўмацаваўшыся ў любові, здолелі сьцяміць разам з усімі сьвятымі, што ёсьць шырыня і даўжыня, глыбіня і вышыня,
і зразумець любоў Хрыстовую, якая вышэй за разуменьне, каб вам напоўніцца ўсёю поўняй Божаю.Ян 1:16; Кал 2:9
А Таму, Хто сілаю, якая дзейнічае ў нас, можа зрабіць нашмат больш за ўсё, пра што мы просім або разумеем,Рым 16:25
Яму слава ў Царкве ў Хрысьце Ісусе ў-ва ўсіх пакаленьнях на вякі вякоў. Амэн.