Рым Рымлянам, раздзел Пасланне да Рымлян, раздзел 2
Дзеля гэтага няма апраўданьня табе, кожны чалавек, які судзіш; бо ў чым ты судзіш іншага, асуджаеш сябе, бо робіш тое самае, судзячы.2Цар 12:5; Мц 7:1; Лк 6:37; 1Кар 4:5
А мы ведаем, што суд Божы ёсьць паводле праўды адносна тых, што гэткае ўчыняюць.
Няўжо ж ты думаеш, чалавек, які судзіш тых, што гэткае ўчыняюць, і сам робіш тое самае, што ўцячэш ад суду Божага?
Або багацьцем ласкавасьці Ягонай, і цярплівасьці, і доўгацярплівасьці пагарджаеш, ня ведаючы, што добрасьць Божая вядзе цябе да навяртаньня?Іс 30:18; Ер 3:12; 2Пётр 3:15
Але праз упартасьць тваю і ненавернутае сэрца ты зьбіраеш сабе гнеў на дзень гневу і адкрыцьця праведнага суду Божага,Як 5:3
Які аддасьць кожнаму паводле ўчынкаў ягоных:Выс 24:12; Мц 16:27
тым, якія цярплівасьцю ў добрай справе шукаюць славы, пашаны і незьнішчальнасьці, — жыцьцё вечнае,Мц 25:46
а тым, што спрачаюцца і не скараюцца праўдзе, але скараюцца няправеднасьці, — ярасьць і гнеў.Ер 23:19; Габр 10:27
Прыгнёт і ўціск кожнай душы чалавека, які робіць ліхое, перш Юдэя, і Грэка!
Слава, і пашана, і супакой усякаму, хто робіць добрае, перш Юдэю, і Грэку!
Бо няма ў Бога ўзіраньня на аблічча.Дрз 10:17; 2Пар 19:7
Бо тыя, якія без Закону зграшылі, без Закону і загінуць, а тыя, якія ў Законе зграшылі, праз Закон будуць асуджаныя.Лк 12:47
Бо не слухачы Закону праведныя перад Богам, але выканаўцы Закону будуць апраўданыя.Мц 7:21; Як 1:22
Бо калі пагане, якія ня маюць Закону, паводле прыроды робяць паводле Закону, яны, ня маючы Закону, самі сабе Закон.
Яны зьяўляюць справы Закону, якія напісаныя ў сэрцах іхніх, пра што сьведчыць сумленьне іхняе і думкі іхнія, якія то абвінавачваюць, то апраўдваюць адна адну,
у дзень, калі Бог будзе судзіць тайныя [ўчынкі] людзей, паводле Эвангельля майго, праз Ісуса Хрыста.Экл 12:14; Мц 25:31; Ян 5:22; Дзеі 10:42; 1Кар 4:5
Вось, ты завешся Юдэем, і супакойваеш сябе Законам, і хвалішся Богам,Міх 3:11
і ведаеш волю [Ягоную], і выпрабоўваеш, што лепшае, будучы навучаным у Законе.
І ты перакананы пра сябе, што ты — павадыр сьляпых, сьвятло тых, што ў цемры,Іс 42:19; Мц 15:14
выхавацель неразумных, настаўнік немаўлят, які мае ў Законе выгляд веданьня і праўды.
Дык ты, вучачы другога, ня вучыш сябе самога.Пс 50:16; Пс 50:21
Абвяшчаючы ня красьці, крадзеш; кажучы не чужаложыць, чужаложыш, брыдзячыся ідаламі, чыніш сьвятакрадзтва.
Ты, які хвалішся Законам, праз парушэньне Закону Бога зьневажаеш.
Бо праз вас на імя Божае блюзьніцца ў паганаў, як напісана.Іс 52:5; Езк 36:20
Бо абразаньне карыснае, калі выконваеш Закон; а калі ты парушальнік Закону, абразаньне тваё сталася неабразаньнем.Ляв 26:41; Ер 4:4; 1Кар 7:19; Гал 6:15
Дык калі неабрэзаны захоўвае пастановы Закону, ці не залічыцца яму ягонае неабразаньне за абразаньне?Дзеі 10:35
I неабрэзаны паводле прыроды, які спаўняе Закон, будзе судзіць цябе, парушальніка Закону, які з літарай і абразаньнем.Мц 12:41
Бо ня той Юдэй, хто гэтакі яўна, і ня тое абразаньне, якое яўнае на целе,Рым 9:6; Рым 9:8
але хто ва ўтоенасьці Юдэй, і [ў якога] абразаньне сэрца Духам, а ня літарай, такому пахвала не ад людзей, але ад Бога.Дрз 30:6; Рым 4:12; Кал 2:11