Isa Isaias, kapitulo Ang Libro ni Isaias, kapitulo 40
Ang Paglipay sa mga Katawhan sa Dios
Miingon ang Dios, “Lipaya ninyo
ug dasiga ang akong katawhan.Isa 35:4; Isa 52:9; Luk 2:10
Sultihi ninyo nga adunay kalumo ang katawhan sa Jerusalem.
Ibalita kanila nga human na ang ilang pag-antos
ug ang ilang mga sala napasaylo na.
Kay nadawat na nila ang daghang silot
alang sa tanan nilang mga sala.”Jer 16:18
Adunay nagsinggit sa kamingawan,
“Pag-andam ug agianan alang sa Ginoo
diha sa kamingawan.
Paghimog tul-id nga dalan alang
sa atong Dios.Mat 3:3; Mrk 1:3; Luk 3:4; Jhn 1:23
Ang matag dapit nga nalupyak tambakan,
ug ang matag bukid ug bungtod patagon.
Ang libaong ug liko-liko nga agianan ayohon ug tul-iron.Luk 18:14; Isa 42:16
Unya ipadayag ang gamhanang presensya sa Ginoo,
ug makita kini sa tanang katawhan.
Kay ang Ginoo mismo mao ang nag-ingon niini.”Act 11:14
Adunay nag-ingon kanako, “Pagwali!”
Mitubag ako, “Unsa ang akong iwali?”
Miingon siya,
“Iwali nga ang tanang mga tawo sama sa sagbot,
ug ang ilang pagkainila sama sa bulak sa kaumahan.Job 14:2; Psa 103:15; Jas 1:10; 1Pe 1:24
Ang sagbot malaya ug ang iyang bulak mangahulog
tungod kay huypon kini sa hangin nga ipadala sa Ginoo.
Tinuod nga ang tawo sama sa sagbot.
Ang sagbot malaya ug ang iyang bulak mangahulog,
apan ang pulong sa atong Dios magpadayon hangtod
sa kahangtoran.”Psa 119:89; Mat 24:35; 1Pe 1:25
Kamong mga tigmantala sa maayong balita sa Jerusalem,40:9 Jerusalem: sa Hebreo makita usab ang pulong nga Zion, nga mao ang laing ngalan sa Jerusalem.
tungas kamo sa tag-as nga bukid,
ug isinggit ninyo sa makusog ang Maayong Balita.
Ayaw kamo kahadlok sa pagsinggit.
Sultihi ninyo ang mga lungsod sa Juda nga ania na
ang ilang Dios.
Oo, miabot na ang Ginoong Dios nga gamhanan,
ug maghari siya. Moabot siya dala ang ganti.Jhn 1:27; Isa 62:11
Atimanon niya ang iyang katawhan sama sa pag-atiman
sa usa ka magbalantay sa iyang mga karnero:
kugoson niya ang mga gagmayng karnero
ug giyahan niya uban sa kalumo ang mga inahan.Ezk 34:23; Jhn 10:11
Kinsay makatakos sa tubig sa dagat pinaagi sa iyang kamot,
ug makasukod sa langit pinaagi sa pagdangaw niini?
Kinsay makasulod sa tanang yuta sa taksanan
o makatimbang sa mga bukid ug mga bungtod?Isa 48:13
Kinsa ba ang nahibalo sa huna-huna sa Ginoo
o makatudlo kaniya kon unsay angay niyang buhaton?Rom 11:34; 1Co 2:14; 1Co 2:16
Kinsay gipangayoan niyag tambag aron makasabot siya?
Kinsa ba ang nagtudlo kaniya sa hustong dalan?
Kinsa ang naghatag kaniya sa kahibalo
o nagtultol kaniya ngadto sa dalan sa kaalam?
Ang tinuod, ang mga nasod
sama lang sa usa ka tulo sa tubig diha sa timba,
o abog sa timbangan.
Alang sa Dios,
ang mga isla sama lang kagaan sa abog.Psa 103:14; Dan 4:35
Ang kahayopan sa Lebanon dili igo
nga ihalad ngadto kaniya,
ug ang mga kakahoyan niini
dili paigo nga isugnod sa mga halad.
Dili makatupong ang mga nasod kon itandi kaniya.
Walay bili ang mga nasod alang kaniya.Psa 39:5
Busa kang kinsa ninyo ikatandi ang Dios?
O sa unsa ba ninyo siya ipakasama?Act 17:29
Sa dios-dios ba nga hinimo lang sa panday,
ug gihaklapan ug bulawan
ug gidekorasyonan ug kadena nga plata?Isa 44:12
O sa mga dios-dios ba nga kahoy nga dili daling magabok
ug gipahimo sa kabos nga tawo
ngadto sa maayong mopanday aron dili matumba?
Wala ba kamo masayod o makadungog?
Wala bay nagsulti kaninyo kon giunsa pagbuhat sa kalibotan?
Gihimo kini sa Dios nga naglingkod
sa iyang trono ibabaw sa kalibotan,
ug ang katawhan sa ubos mura lang ug mga apan-apan.
Gibuklad niya ang langit sama sa kurtina.
Gibuklad niya kini nga daw sama sa tolda aron puy-an.Jer 10:12
Gikuhaan niyag gahom
ug bili ang mga pangulo sa kalibotan.Job 12:21
Sama sila sa tanom nga bag-o pa lang gitisok,
ug halos wala pa gani makapanggamot
sa dihang gihuyop sila sa Ginoo, ug nalaya sila,
unya gipalid sila sa alimpulos nga daw tahop.
Miingon ang Balaang Dios,
“Kang kinsa ninyo ako ipakasama?
Aduna bay sama kanako?”Isa 40:18
Hangad kamo sa langit!
Kinsa man ang naghimo nianang mga bitoon?
Ang naghimo niana mao ang Dios.
Gitagsa-tagsa niya sila pagpatunga ug ginatawag
niya sila sa ilang mga ngalan.
Tungod sa iyang gahom walay usa kanila nga nawala.Psa 147:4
Kamong mga kaliwat ni Jacob, nganong nagreklamo man kamo?
Kamong mga katawhan sa Israel, nganong nakasulti man kamo niini:
“Ang among mga plano40:27 plano: o paghago. wala makita sa Ginoo
ug gipakawalay-bili niya ang among mga katungod”?Job 34:5; Job 34:12
Wala ba kamo masayod o makadungog
nga ang Ginoo mao ang walay kataposan nga Dios
nga nagbuhat sa tibuok kalibotan?40:28 tibuok kalibotan: sa literal, kinatumyan sa kalibotan.
Dili siya bation ug kakapoy o maluya,
ug walay makatugkad sa iyang huna-huna.Isa 42:5; Isa 45:11
Gihatagan niyag kusog ang mga maluya
ug ang mga gikapoyan.Isa 33:24; 2Co 12:9; Col 1:11
Bisan ang mga batan-on kapoyan,
mangaluya, ug mangatumba,
apan ang mga nagsalig sa Ginoo
makaangkon pag-usab ug kusog.
Mahisama sila sa naglupad nga agila;
kon managan sila dili sila kapoyon;