Іс Ісая, раздзел Кніга прарока Ісаі, раздзел 35
Разьвесяліцца пустыня і сухая зямля, і зарадуецца краіна ненаселеная і расквітнее як нарцыс;Іс 32:16
цудоўна будзе цьвісьці і радавацца, будзе ўрачысьціцца і сьвяткаваць; слава Лівана дасца ёй, хараство Карміла і Сарона; яны ўбачаць славу Госпада, веліч Бога нашага.3Цар 4:33; 3Цар 18:9; Ян 1:14
Умацуйце аслабелыя рукі, і ўцьвердзіце калені дрыготкія;Габр 12:12
скажэце нясьмелым душою: будзьце цьвёрдыя, ня бойцеся; вось Бог ваш, прыйдзе помста, адплата Божая; Ён прыйдзе і збавіць вас.Лк 1:70; Іс 40:1
Тады адамкнуцца вочы сьляпых, і вушы глухіх расчыняцца.Мц 9:30; Мц 11:5; Мц 15:30; Лк 7:22; Ян 9:6
Тады кульгавы падхопіцца, як алень, і язык нямка засьпявае; бо праб'юцца воды ў пустыні і ў стэпе патокі.Ян 5:8; Ян 7:38; Дзеі 3:8; Мц 9:32; Мц 21:14; Іс 41:18
І ператворыцца прывід водаў у возера, і спрагненая зямля - у крыніцы водаў; у жытлішчы шакалаў, дзе яны спачываюць, будзе месца пад трысьнёг і чарот.
І будзе там вялікая дарога, і шлях па ёй назавецца шляхам сьвятым; нячысты ня будзе хадзіць па ім; але ён будзе ім адным. Хто пойдзе гэтым шляхам, нават і нявопытныя, не заблудзяцца.Ян 14:6
Ільва там ня будзе, і драпежны зьвер ня ўзыдзе на яго; яго ня знойдзецца там, а хадзіцьмуць адкупленыя.1Пётр 5:8
І вернуцца збаўленыя Госпадам, прыйдуць на Сіён з радасным гоманам; і радасьць вечная будзе над галавою ў іх; яны знойдуць радасьць і весялосьць, а смутак і зітханьне адыдуць.Іс 51:11; Іс 61:7; Іс 66:14