Пс Псалтыр, псалом Псалтыр, псалом 134
Алілуя.
Хвалеце імя Гасподняе, хвалеце, рабы Гасподнія,Пс 112:1
усе, хто стаіць у доме Гасподнім, у дварах Бога нашага.
Хвалеце Госпада, бо Гасподзь добры; сьпявайце імю Ягонаму, бо гэта соладка,Пс 135:1
бо Гасподзь абраў сабе Якава, Ізраіля ўласнасьцю Сваёю.Дрз 7:6; 1Пётр 2:9; Ціт 2:14
Я ўведаў, што Гасподзь вялікі, і Гасподзь наш вышэйшы за ўсіх багоў.
Гасподзь творыць усё, што хоча, на нябёсах і на зямлі, на морах і ва ўсіх прадоньнях;Пс 113:11; Дан 4:32
узводзіць хмары ад краю зямлі, творыць маланкі пры дажджы, выводзіць вецер са сховішчаў Сваіх.Ер 10:13; Ер 14:22
Ён пабіў першынцаў Егіпта, ад чалавека да быдла,Вых 12:29; Пс 77:51
паслаў азнакі і цуды сярод цябе, Егіпце, на фараона і на ўсіх рабоў ягоных,
пабіў народы многія, і вынішчыў цароў моцных:Лік 21:21
Сігона, цара Амарэйскага, і Ога, цара Васанскага, і ўсе царствы Ханаанскія;Нав 12:7
і аддаў зямлю іхнюю ў спадчыну, у спадчыну Ізраілю, народу Свайму.
Госпадзе! імя Тваё навечна; Госпадзе! памяць пра Цябе з роду ў род.
Бо Гасподзь судзіцьме народ Свой, і з рабоў Сваіх умілажаліцца.
Ідалы язычнікаў - срэбра і золата, утворы рук чалавечых.Пс 113:12
Ёсьць у іх вусны, але не маўляюць, ёсьць у іх вочы, але ня бачаць;
ёсьць у іх вушы, але ня чуюць, і няма дыханьня ў вуснах у іх.
Спадобняцца ім тыя, што робяць іх, і кожны, хто спадзяецца на іх.Іс 42:17
Доме Ізраілеў! дабраславеце Госпада. Доме Ааронаў! дабраславеце Госпада.
Доме Лявія! дабраславеце Госпада. Хто баіцца Госпада, дабраславеце Госпада.
Дабраславёны Гасподзь ад Сіёна, Які жыве ў Ерусаліме! Алілуя!Пс 49:2; Пс 109:2; Іс 2:3