Пс Псалтыр, псалом Псалтыр, псалом 140
Госпадзе! да Цябе заклікаю; пасьпяшайся да мяне, уваж голасу маленьня майго, калі клічу Цябе.
Хай пойдзе малітва мая, як фіміям, да аблічча Твайго, уздыманьне рук маіх - як ахвяра вячэрняя.Вых 29:39; Вых 30:7
Пакладзі, Госпадзе, ахову на вусны мае, і аслані дзьверы вуснаў маіх;Пс 38:2
ня дай нахіліцца сэрцу майму да словаў падступных, і на перапросіны дзеяў грахоўных і людзей, што беззаконьне ўчыняюць, і хай не скаштую я іхніх прысмакаў.3Цар 8:58; Выс 1:10; Выс 1:15
Хай карае мяне праведнік: гэта - міласьць; хай выкрывае мяне: гэта - найлепшы алей, які не пашкодзіць галаве маёй; а малітвы мае - супраць зладзействаў іхніх.Выс 12:1; Выс 15:12; Выс 25:12
Іхнія правадыры рассыпаліся па скалах, і чуюць, што словы мае лагодныя.
Быццам зямлю расьсякаюць і трушчаць нас; сыплюцца косткі нашыя ў шчэлепы апраметнай.
Але да Цябе, Госпадзе, Госпадзе, вочы мае; на Цябе спадзяюся, не адкінь душы маёй!
Ахавай мяне ад пастак, пастаўленых на мяне, ад цянётаў беззаконцаў.Пс 139:6
Хай трапяць бязбожнікі ў сеткі свае, а я перайду.Пс 7:16; Пс 9:16