Пс Псалтыр, псалом Псалтыр, псалом 51
Кіроўцу хору. Вучэньне Давідава,
пасьля таго, як прыходзіў Доік Ідумэянін, і данёс Саўлу, і сказаў яму, што Давід прыйшоў у дом Ахімэлэхаў.1Цар 22:9
Чаго хвалішся злачынствам, магутны? Ласка Божая заўжды са мною;Выс 21:12
твой язык наклікае пагібель; як брытва навостраная ён у цябе, падступнік!Пс 56:5; Выс 25:18
Ты болей любіш зло, чым дабро, а няпраўду болей за праўду казаць;
ты любіш усякія шкадлівыя словы, язык аблудны.
За гэта Бог зруйнуе цябе дарэшты, выкіне цябе і вырве цябе зь сялібы тваёй і корань твой зь зямлі жывых.Ёў 18:14; Ёў 20:7; Пс 49:22
Убачаць праведнікі і напалохаюцца; пасьмяюцца зь іх і скажуць:
вось чалавек, які ня ў Богу закладваў цьвярдыню сваю, а спадзяваўся на мностьва багацьця свайго, мацаваўся ў злачынстве сваім.Пс 48:7; Выс 11:28; Мк 10:24
А я, як аліва зялёная, у доме Божым; і надзею кладу на міласьць Божую на векі вечныя,Пс 91:13; Ер 11:16; Ас 14:7
вечна буду славіць Цябе за тое, што Ты ўчыніў, і на Тваё спадзявацца імя, бо яно добрае перад сьвятымі Тваімі.Пс 36:5