Рым Рымлянам, раздзел Пасланне да Рымлян, раздзел 12
І вось, прашу вас, браты, міласэрнасьцю Божай, аддавайце целы вашыя ў ахвяру жывую, сьвятую, Богу спадобную: на разумнае служэньне ваша;1Кар 3:17
і не прыстастоўвайцеся да веку гэтага, а пераўтварайцеся абнаўленьнем розуму вашага, каб вам спазнаваць што (ёсьць) воля Божая, добрая, прыемная і дасканалая.Эф 1:18; Эф 5:10; Эф 5:17
Па дадзенай мне мілаце, кожнаму з вас кажу: ня думайце пра сябе больш, чым трэба думаць; а думайце сьціпла, у меру веры, якое кожнаму Бог удзяліў.Эф 4:7
Бо як у адным целе ў нас многа чэлесаў, але не ва ўсіх чэлесаў адно і тое самае прызначэньне,1Кар 12:12
так і мы многія складаем адно цела ў Хрысьце, а паасобку адно аднаго чэлесы.
І як па дадзенай нам мілаце, маем розныя здольнасьці, дык, калі гэта прароцтва - прароч у згодзе зь вераю;Мц 25:15; 1Пётр 4:10; 1Кар 12:4
калі маеш служэньне, служы; калі настаўнік, вучы;
калі суцешнік, суцяшай; калі раздаеш, раздавай у шчырасьці; калі начальнік, начальнічай дбайна; калі дабрачынец - дабрачынь з прыязнасьцю.Мц 6:2
Любоў хай будзе някрывадушная; цурайцеся зла, гарнецеся да дабра;Пс 96:10; Ам 5:15
пяшчотна любеце адно аднаго братняю любоўю; пашанлівасьцю адно аднаго запабягайце;1Пётр 2:17; Эф 4:2
у руплівасьці ня слабніце; духам успалымняйцеся; Госпаду служэце;
суцяшайцеся надзеяю, у смутку будзьце цярплівыя, у малітве трывалыя;Лк 18:1
у патрэбах сьвятых бярэце ўдзел; дбайце пра гасьціннасьць да прышэльцаў;1Кар 16:1; Габр 13:2
дабраслаўляйце ганіцеляў вашых; дабраслаўляйце, а не праклінайце.Мц 5:44
Радуйцеся з тымі, хто радуецца, і плачце з тымі, хто плача.1Кар 12:26
Будзьце аднамысныя паміж сабою; ня мудруйце высока, а ідзеце сьледам за паслухмянымі; ня мройце пра сябе;Выс 3:7; Іс 5:21; Ян 17:11
нікому не плацеце злом за зло, а дбайце пра добрае перад усімі людзьмі.Выс 20:22; 2Кар 8:21
Калі можна, і ад вас тое залежыць, будзьце ў згодзе з усімі людзьмі.Габр 12:14
Ня помсьціцеся за сябе, любасныя, а дайце месца гневу Божаму. Бо напісана: «Мне помста, Я адплачу», кажа Гасподзь.Дрз 32:35; Мц 5:39; Лк 6:28; 1Кар 6:7
Дык вось, калі твой вораг галодны, накармі яго; калі асьмяглы, напаі яго: бо, робячы гэта, ты зьбярэш на галаву ягоную распаленае вугольле.Выс 25:21
Ня будзь пераможаны злом, а перамагай зло дабром.