Рым Рымлянам, раздзел Пасланне да Рымлян, раздзел 3
Дык вось, у чым жа перавага быць Юдэем, альбо якая карысьць ад абразаньня?
Вялікая, ва ўсіх праявах, а найперш у тым, што ім даверана слова Божае.Дрз 4:8; Пс 147:8; Рым 9:4
Бо што ж? калі некаторыя ня верылі, хіба ж няверства іхняе зьнішчыць вернасьць Божую?Лік 23:19; 2Цім 2:13
Зусім не. Бог верны, а кожны чалавек ілжывы, як напісана: «Ты праведны ў словах Тваіх і пераможаш, у судзе Тваім».Пс 50:6; Пс 115:2; Ян 3:33
А калі нашая няпраўда выяўляе праўду Божую, дык што скажам? няўжо будзе Бог несправядлівы, калі паказвае гнеў? - кажу, па-чалавечы разважаючы.
Зусім не. Бо як жа тады Богу судзіць сьвет?Быц 18:25; Ёў 8:3
Бо, калі вернасьць Божая ўзвышаецца маёю нявернасьцю на славу Божую, завошта яшчэ мяне ж судзіць, як грэшніка?
І ці ж не рабіць нам зло, каб выйшла на дабро, як некаторыя ўпікаюць нас і кажуць, быццам мы гэтак вучым? Справядлівы суд на такіх.Рым 6:15
Дык што ж? ці маем мы перавагу? Зусім не; бо мы ўжо даказалі, што як Юдэі, так і Эліны, усе пад грэхам,Гал 3:22
як напісана: «няма праведнага аніводнага;Пс 52:4
няма, хто разумеў бы; няма, хто Бога шукаў бы;Быц 8:21
усе зьбіліся з тропу, нягодныя сталіся ўсе: няма, хто тварыў бы дабро, няма аніводнага».Пс 13:1
Горла іхняе - дамавіна адчыненая, лісьлівяць яны языком; атрута асьпідаў у іх на губах;Пс 5:10; Пс 139:4
вусны ў іх поўныя ліхаслоўя і горычы.Пс 9:28
Ногі ў іх борздыя на праліваньне крыві;
разбурэньне і згубнасьць на іхніх дарогах;
яны ня ведаюць шляхоў міру.Выс 1:16; Іс 59:7
Няма страху Божага перад вачамі ў іх».Пс 35:2
А мы ведаем, што закон, калі што гаворыць, гаворыць да тых, хто пад законам, так што замыкаюцца ўсякія вусны, і ўвесь сьвет робіцца вінаваты перад Богам,Пс 106:42; Пс 142:2; Езк 16:63
бо дзеямі закона не апраўдаецца перад Ім ніякая плоць; бо законам спазнаецца грэх.Рым 7:7; Гал 2:16
Але сёньня, незалежна ад закона, зьявілася праведнасьць Божая, пра якую сьведчаць закон і прарокі,Быц 15:6; Іс 28:16; Абак 2:4
праведнасьць Божая празь веру ў Ісуса Хрыста ва ўсіх і на ўсіх вернікаў; бо няма розьніцы,Гал 3:28
бо ўсе зграшылі і пазбаўлены славы Божай,Рым 3:10; Рым 5:12
атрымліваючы апраўданьне дарам, паводле мілаты Ягонай, адкупленьнем у Ісусе Хрысьце,Іс 55:1; Рым 8:32
Якога Бог прынёс у ахвяру ўмілажальваньня ў Крыві Ягонай празь веру, для паказу справядлівасьці Ягонай ў дараваньні грахоў, учыненых раней,Дзеі 13:38; 2Кар 5:19
у доўгім цярпеньні Божым, для паказу српавядлівасьці Ягонай ў сёньняшні час, - хай зьявіцца Ён справядлівы і апраўдае таго, хто веруе ў Ісуса.
Дзе ж тое, чым пахваліцца? зьнішчана. Якім законам? законам учынкаў? Не, а законам веры.
Бо мы прызнаём, што чалавек апраўдваецца вераю, незалежна ад дзеяў закона.
Няўжо Бог ёсьць Бог Юдэяў толькі, а не й язычнікаў? Вядома, і язычнікаў;Быц 17:5
бо адзін Бог, Які апраўдае абрэзаных па веры і неабрэзаных празь веру.Рым 4:11
Дык вось, ці ж мы не касуем закон вераю? Зусім не; а сьцьвярджаем закон.Гал 3:24