Зах Захарыя, раздзел Кніга прарока Захарыі, раздзел 4
І вярнуўся той анёл, які гаварыў са мною, і разбудзіў мяне, як будзяць чалавека са сну ягонага.Зах 1:9
І сказаў ён мне: што ты бачыш? І адказваў я: бачу, вось сьвяцільня ўся з золата і чашачка пад алей наверсе яе, і сем лампад, на ёй і па сем трубачак у лампадах, якія наверсе яе;Вых 25:31
і дзьве масьліны на ёй, адна з правага боку чашачкі, другая зь левага боку яе.Адкр 11:4
І адказваў я і сказаў анёлу, які гаварыў са Мною: што гэта, спадару мой?
І анёл, які гаварыў са мною, адказваў і сказаў мне: ты ня ведаеш, што гэта? І сказаў я: ня ведаю, спадару мой.
Тады адказваў ён і сказаў мне так: гэта слова Госпада Зарававелю, у якім сказана: ня войскам і ня сілаю, а Духам Маім кажа Гасподзь Саваоф.Іс 34:16; Лк 4:18; Ян 2:15
Хто ты, вялікая гара перад Зарававелем? ты - раўніна, і вынесе ён кутні камень пры шумных ускліканьнях: «мілата, мілата на ім!»Езд 5:2; Іс 49:11; Мк 11:9
І было мне слова Гасподняе:
рукі Зарававеля паклалі аснову Дому гэтаму; ягоныя рукі і закончаць яго, і даведаешся, што Гасподзь Саваоф паслаў Мяне да вас.Езд 5:2; Аг 2:19
Бо хто можа лічыць дзень гэты малаважным, калі радасна глядзяць на будаўнічы адвес у руках Зарававелевых тыя сем, - гэта вочы Госпада, якія абдымаюць позіркам усю зямлю?Зах 1:16; Адкр 5:6; Езд 5:5
Тады адказваў я і сказаў яму: што азначаюць тыя дзьве масьліны з правага боку сьвяцільні і зь левага боку яе?Адкр 11:4
Другі раз загаварыў я і сказаў яму: што азначаюць дзьве масьлічныя галіны, якія празь дзьве залатыя трубачкі выліваюць зь сябе золата?
І сказаў ён мне: ты ня ведаеш, што гэта? Я адказваў: ня ведаю, спадару мой.
І сказаў ён: гэта два памазаныя алеем, якія стаяць перад Госпадам усёй зямлі.Адкр 11:4; Зах 6:5; Дан 7:10