1Кар 1 Карынфянам, раздзел Першае пасланне да Карынфян, раздзел 13
Калі я гавару мовамі чалавечымі і анёльскімі, а любові ня маю, я — медзь, якая зьвініць, ці цымбалы, якія гудуць.
І калі я маю прароцтва, і ведаю ўсе тайны і ўсякае веданьне, і калі маю ўсю веру, каб і горы перастаўляць, а любові ня маю, я — нішто.Мц 7:22
І калі я раздам усю маёмасьць маю, і аддам цела маё на спаленьне, а любові ня маю, няма мне ніякае карысьці.Мц 6:1
Любоў доўга церпіць, робіць дабро; любоў не зайздросьціць; любоў не вывышаецца, не надзімаецца,Выс 10:12; 1Пётр 4:8; Флп 2:3
ня робіць непрыстойнага, не шукае свайго, ня гневаецца, ня думае ліхога,Рым 15:1
ня радуецца з няправеднасьці, але цешыцца з праўды;
усё вытрымлівае, усяму верыць, на ўсё спадзяецца, усё трывае.Гал 6:2
Любоў ніколі ня зьнікне, калі нават прароцтвы зьнікнуць, калі мовы змоўкнуць, калі веданьне зьнішчыцца.
Бо мы часткова ведаем і часткова прарочым;2Кар 5:7
а калі прыйдзе дасканалае, тады тое, што частковае, зьнікне.
Калі я быў немаўлём, як немаўлятка гаварыў, як немаўлятка думаў; а калі стаўся мужам, пакінуў тое, што немаўляці.
Бо цяпер мы бачым праз [мутнае] шкло, невыразна; а тады — абліччам да аблічча; цяпер я разумею часткова, а тады пазнаю [гэтаксама], як я сам пазнаны.Флп 3:12; 2Цім 2:19
А цяпер застаюцца вера, надзея, любоў — гэтыя тры; але большая з іх — любоў.