Гал Галатам, раздзел Пасланне да Галатаў, раздзел 3
О, няцямныя Галяты! Хто падбіў вас не скарацца ісьціне, вас, у каго перад вачыма накрэсьлены быў Ісус Хрыстос, як бы сярод вас укрыжаваны?
Толькі гэта хачу ведаць ад вас: ці празь дзеі закона вы атрымалі Духа, ці праз настаўленьне ў веры?Дзеі 2:38; Дзеі 10:43
Ці такія вы няцямныя, што, пачаўшы Духам, цяпер канчаеце плоцьцю?Гал 5:7
Так многа вы перацярпелі няўжо марна? О, калі б толькі марна!
Той, Хто пада вам Духа і творыць сярод вас цуды, ці празь дзеі закона робіць гэта, ці праз пропаведзь веры?
Так Абрагам паверыў Богу, і гэта залічылася яму ў праведнасьць.Быц 15:6; Як 2:23; Рым 4:3
Уведайце ж, што вернікі - сыны Абрагамавыя.Ян 8:39
І Пісаньне, прадбачачы, што Бог вераю апраўдае язычнікаў, наперад узьвясьціла Абрагаму: «у табе дабраславяцца ўсе народы».Быц 12:3
Вось так, веруючыя дабраславяцца зь верным Абрагамам.
А ўсе, хто сьцьвярджаецца на дзеях закона, жывуць пад пракляцьцем. Бо напісана: «пракляты кожны, хто ня выконвае пастаянна ўсяго, што напісана ў кнізе закона».Дрз 27:26; Ер 11:3
А што законам ніхто не апраўдваецца перад Богам, гэта ясна, бо «праведны вераю жыць будзе».Абак 2:4; Рым 1:17; Габр 10:38
А закон не ад веры; «а хто выконвае яго, той жыць будзе ім».Ляв 18:5
Хрыстос адкупіў нас ад пракляцьця закона, зрабіўшыся за нас пракляцьцем - бо напісана: «пракляты кожны, хто вісіць на дрэве»,Дрз 21:23; 1Пётр 2:24; Рым 8:3
каб дабраславеньне Абрагамавае праз Хрыста Ісуса пашырылася на язычнікаў, каб нам атрымаць абяцанага Духа вераю.Іс 44:5; Дзеі 3:25
Браты! кажу я па-людзку: нават чалавекам зацьверджанага запавету ніхто не адмяняе і не дадае да яго.Габр 9:17
Але Абрагаму дадзеныя былі абяцаньні і нашчадку ягонаму. Ня сказана: «і нашчадкам», як бы пра многіх, а як бы пра аднаго: «і насеньню твайму», якое ёсьць Хрыстос.Быц 12:7; Быц 15:5
Я кажу тое, што запавета пра Хрыста, раней Богам зацьверджанага, закон, які паявіўся праз чатырыста трыццаць гадоў, не адмяняе так, каб абяцаньне страціла сілу.Вых 12:40; Дзеі 7:6
Бо калі паводле закона спадчына, дык ужо не паводле абяцаньня; але Абрагаму Бог даў гэта паводле абяцаньня.Рым 8:17; Гал 2:21
Навошта ж закон? Ён дадзены пасьля з прычыны злачынстваў, да часу прышэсьця насеньня, якому было дадзена абяцаньне, і ўчынена праз анёлаў, рукою пасрэдніка.Вых 19:3; Дзеі 7:38
Але пасрэднік пры адным ня бывае, а Бог адзін.
Дык ці ж закон супроць абяцаньняў Божых? Ані! Бо калі б дадзены быў закон, які мог бы ажыўляць, дык сапраўды праведнасьць была б ад закона;
але Пісаньне ўсіх замкнула пад грэх, каб абяцаньне веруючым было дадзена ад веры ў Ісуса Хрыста.Рым 3:9
Але да прышэсьця веры, мы былі замкнутыя пад вартаю закона да таго часу, як мела адкрыцца вера.
Дык вось закон быў для нас павадыром да Хрыста, каб нам апраўдацца вераю;Рым 10:4
а як прыйшла вера, мы ўжо не пад кіраваньнем павадыра.
Бо ўсе вы сыны Божыя па веры ў Хрыста Ісуса;Ян 1:12; Рым 8:15
усе вы, хто хрысьціўся ў Хрыста, у Хрыста апрануліся!Рым 6:3
Няма ўжо Юдэя, ні язычніка; няма раба, ні вольніка; няма мужчынскага полу, ні жаночага: бо ўсе вы адно ў Хрысьце Ісусе.Ян 17:21; Рым 10:12
Калі ж вы Хрыстовыя, дык вы нашчадкі Абарагамавыя, і паводле абяцаньня спадкаемцы.Эф 3:6